Ad günü hədiyyəsi partladı: Ata Öldü, Oğlu Yaralandı

Ukraynalı mayor Gennadiy Çastiakov dünən evində ad günü hədiyyəsi olan əl qumbarasının partlaması nəticəsində həyatını itirib, 13 yaşlı oğlu isə ağır yaralanıb.

Sonxeber.az BiG.AZ-a istinadən xəbər verir ki, Ukrayna Silahlı Qüvvələrinin Baş Qərargah rəisi, general Valeri Zalujnı dünən axşam bildirib ki, köməkçisi mayor Gennadi Çastiakov (39) dünən evində ad günü hədiyyələri arasında tapılan əl qumbarasının partlaması nəticəsində həyatını itirib.

Yerli media Çastiakovun oğlunun ağır yaralandığını açıqlayıb. Dünən gecə baş verən hadisə ilə bağlı açıqlama verən Ukrayna Daxili İşlər Nazirliyi aşağıdakı açıqlamaları verib:

"Bu gün mayor Çastiakovun ad günü idi. O, işdən evə qayıdan kimi həmkarlarının hədiyyələrini açıb ailəsinə göstərməyə başlayıb. İçərisində qumbara olan hədiyyə paketi çıxarıb və döyüş sursatından birini oğluna göstərib. Bu, Qərb tipli yeni əl qumbarası idi".

Ukrayna Daxili İşlər Nazirliyi də açıqlamasında mayor Çastiakova hədiyyə göndərən dostu tapdıqlarını və bu şəxsin iş otağında daha 2 partlamamış qumbara ələ keçirildiyini, istintaqın davam etdiyini bildirib.

Telegramda izləyin