Dolğu edənlərin çoxunda korluq yaranmağa başlayıb - Türk cərrahdan ÇAĞIRIŞ

"Türklərin burnu adətən böyük olur. Biz böyük burnu sadəcə kiçiltməyə çalışırıq. Burun dolğusu isə davamlı edilir. İnsanlar qorxularından estetik əvəzinə, burunlarına dolğu edirlər. Dolğu edənlərə qarşı deyiləm, amma hər şeydən məlumatınız olsun deyə söyləyirəm ki, dolğu əməliyyatdan təhlükəlidir. Çünki dolğu damara sızsa, gözə girə bilər. Bu, o qədər də geniş yayılmış məlumat deyil. Statistikaya görə, dolğu edənlərin çoxunda korluq yaranmağa başlayıb".

Pravda.az xəbər verir ki, bu sözləri türkiyəli məşhur estetik cərrah Barış Çakır deyib.

Cərrah bildirib ki, təkcə burun dolğusu deyil, qaş ortası, burunətrafı qırışların dolğusu da təhlükəlidir: "Maraqlısı budur ki, hazırda bu işi ixtisasca həkim olmayanlar görür. Hətta ofisdə, xəstəxanada deyil, evdə etdiklərini də eşitmişəm. Çox cəsarətlidirlər. Güvənli olmayan yerlərdə dolğu etdirsəniz, kor qalmaq ehtimalınız daha çoxdur".

Telegramda izləyin