"İlk dəfədir ki, ərazi bütövlüyünü bərpa edən Azərbaycan dövlətinin büdcəsini qəbul edirik" - DEPUTAT

"2024-cü ilin dövlət büdcəsi yeni tarixin büdcəsidir. İlk dəfədir ki, öz gücünə ərazi bütövlüyünü bərpa edən Azərbaycan dövlətinin büdcəsini qəbul edirik".

Bunu Sonxeber.az-a danışan deputat İqbal Məmmədov bildirib.

Deputat qed edib ki, hər il olduğu kimi gələn ilin büdcəsində də əhalinin sosial və maddi rifahının yaxşılaşdırılması gələn ilin büdcəsində də diqqətdə saxlanılıb:

"Gələn il sosialyönümlü xərclərin cari ilə nisbətən 7 faiz çox olması nəzərdə tutulur. Vətən müharibəsində əldə etdiyimiz möhtəşən zəfər və Qarabağdakı erməni separatizminin kökünün kəsilməsi məhz sahib olduğum güclü iqtisadiyyat hesabına oldu. Bu günə qədər işğaldan azad olunmuş bölgələrdə bərpa və quruculuq işlərinə 11 milyard manat vəsaitin xərclənib. 2024-cü ildə illik inflyasiyanın 5,3 faiz olacağı proqnozlaşdırılır. Bu da özlüündə dövlətimizin əhalinin illik gəlirlərinin qorunmasına diqqət yetirdiyini sübut edir".

Deputat vurğulayıb ki, gələn il üçün dövlət büdcəsinin gəlirlərinin 50,2 faizinin qeyri-neft sektorunun payına düşür:

"Əlbəttə biz bunu cənab prezident İlham Əliyevin bu istiqamətdə gələcəyə hesablanmış uğurlu siyasətinə borcluyuq. 2024-cü ilin büdcəsində 2023-cü illə müqayisədə 282 milyon artım müşahidə olunur. Gələn ilin büdcəsində ordumuzun hərbi-texniki bazasının gücləndirilməsi üçün 3 milyard manat vəsait nəzərdə tutulub. Ümumilikdə 2024-cü ilin dövlət büdcəsini "zəfər büdcəsi" də adlandırmaq olar".

Telegramda izləyin