"Qarayaxma kompaniyasını təşkil edənlər "bu terrorçu bizimdir və azad olunmalıdır" prinsipi ilə işlərini qurur" - DEPUTAT

"Qərbin Azərbaycan əleyhinə qarayaxma kompaniyasına başlamasında təəccüblü bir şey yoxdur. Qərb ərköyünləşdirdiyi Ermənistanın biabırçı məğlubiyyətini və Azərbaycanın müstəqil siyasətini həzm edə bilmir".

Bunu bağlı Sonxeber.az-a danışan deputat Nəsib Məhəməliyev bildirib

Deputat qeyd edib ki, hesab edir ki, bizim kimi ölkələr, ancaq onların qurduqları planlar üzərindən siyasət aparmalı, milli maraqlara yox, onların maraqlarına üstünlük verilməlidir:

"Əvvəllər bu siyasət üstüörtülü aparılırdısa, Vətən müharibəsindən sonra tam çılpaqlığı ilə üzə çıxdı. Ələlxüsus, Fransanın və bir sıra Qərb dövlətlərinin timsalında, qabarıq şəkildə özünü göstərdi. Həbs olunmuş separatçıların siyasi məhbus adlandırılması, həmin qarayaxma kompaniyasının tərkib hissəsidir. Onların hər biri Cinayət Məcəlləsinin müvafiq maddələrinə uyğun olaraq, konkret cinayətlərdə ittiham olunur. Qarayaxma kompaniyasını təşkil edənlər, "bu terrorçu bizim terrorçudur və azad olunmalıdır" prinsipi ilə işlərini qurur. Azərbaycan güclü dövlətdir, beynəlxalq münasibətlər sistemini ən yüksək səviyyədə mənimsəmiş Liderə malikdir. Bütün bunların kimlər tərəfindən, hansı məqsədlə aparıldığını gözəl başa düşür. Təbii ki, adekvat tədbirlər görülür".

Telegramda izləyin