Ermənistan hökuməti İrəvandakı sinaqoqun yandırılmasından narahatdır

Nikol Paşinyanın müşaviri və Milli Azlıqlarla İş üzrə Şuranın sədri Artaşes Tumanyan noyabrın 15-də İrəvanda sinaqoqu hədəfə alan yanğın cəhdindən narahatlığını bildirib.

Sonxeber.az xəbər verir ki, bu barədə erməni mətbuatı məlumat yayıb.

Hazırda hüquq-mühafizə orqanları hadisə ilə bağlı araşdırma aparır.

Tumanyan bildirib ki, hüquq-mühafizə orqanları araşdırma aparır və əgər istintaq hadisənin həqiqətən də yanğın törətdiyini üzə çıxarsa, o zaman Ermənistan hakimiyyəti bunu birmənalı şəkildə pisləyəcək.

"Mən əminəm ki, Ermənistan cəmiyyətinin də münasibəti belə olacaq. Ölkəmizdə heç bir dini, etnik və ya digər ksenofobiyanın təzahürləri yoxdur. Cəmiyyətimizdə milli azlıqlara qarşı tolerantlıq və qarşılıqlı hörmət mühiti hökm sürür. Üstəlik, milli azlıqların nümayəndələri ictimai həyatın bütün sahələrinə cəlb olunublar", - deyə Tumanyan bildirib.

Rəsmi hüquq-mühafizə orqanlarının hadisənin baş vermə şəraitini açıqlayacağına ümid etdiyini bildirib.

Telegramda izləyin