Ermənistan parlamentinin sədri KTMT tədbirində iştirak etməyəcək

Ermənistan Parlamentinin spikeri Alen Simonyan KTMT-nin dekabrda keçirilməsi planlaşdırılan tədbirində iştirak etməyəcək.

Sonxeber.az xəbər verir ki, bunu erməni mətbuatı yayıb.

"Mən KTMT-dəki həmkarlarıma həmin tədbirdə iştirak etməyəcəyimi bildirdim və indiyədək onlardan heç bir cavab gəlməyib və olacağını da düşünmürəm. Əminəm ki, mənim iştirak etməməyimin səbəbləri onlar üçün aydındır", - deyən Simonyan əlavə edib ki, bu, təşkilatla münasibətlərin dondurulması demək deyil.

O bildirib ki, Ermənistanın KTMT-dən çıxmaq qərarı yoxdur.

"Ancaq hesab edirəm ki, indiki vəziyyətdə mənim bu tədbirdə iştirakım yersiz olardı. Və vəziyyət elədir ki, KTMT öz öhdəliklərini yerinə yetirmir", - deyə spiker bildirib.

Telegramda izləyin