Rza Xudiyev: "Yanğının ilkin səbəbləri araşdırılır"

"Bu gün səhər saat 05:41 radələrində Fövqəladə Hallar Nazirliyinin (FHN) 102-i xidmətinə taxta bazarında yanğın baş verməsi ilə bağlı məlumat daxil olub".

Bu sözləri Sonxeber.az-a FHN-in Dövlət Yanğından Mühafizə Xidmətinin rəis müavini, polkovnik Rza Xudiyev deyib.

O bildirib ki, məlumat daxil olandan 4 dəqiqə sonra bölmələrimiz hadisə yerinə çatıblar.

"Hadisədən 10 dəqiqə keçmiş yanğının müxtəlif yerlərə yayılması nəzərə alıraq çağırış nömrə 3 elan edilib. Bununla da 20-ə yaxın yanğın texnikası, 100-ə yaxın şəxsi heyət əraziyə cəlb edilib. Güclü külək səhər saatlarında yanğının söndürülməsini çətinləşdirib. Yanğının sahəsi böyük olub. Görülmüş tədbirlər nəticəsində yanğın məhdudlaşdırılıb.Yanğının qonşu obyektlərə yayılma təhlükəsi yoxdur. Yanğın bazarın mərkəz istiqamətində baş verdiyi üçün hər iki istiqamətə yayılıb. Əsas qarşımızda duran məqsəd yanğının yayılmasının qarşısını almaq idi. Taxtalar kiplərlə yığılıb və hündür yerlərdə idi. Əsas çətinlik kiplərin açılma ehtimalı idi. Əgər onlar açılsa yanğınsöndürənlərə xəsarət ala bilərdilər. İkinci böyük təhlükə isə yüksək gərginlikli elektrik dirəyinin öz formasını dəyişməsi idi. Biz müəyyən tədbirlər əsasında çalışmışıq ki, yanğın heç kimə zərər vermədən söndürülsün".

Rza Xudiyev qeyd edib ki, hazırda açıq alov yoxdur. Müəyyən vaxt tələb olunur ki, tam söndürülsün. Yanğının ilkin səbəbləri araşdırılır.

Telegramda izləyin