"Dibsiz çəllək" - Alman deputat Ukraynanı niyə belə adlandırdı?

Bundestaqın deputatı, Sollar Partiyasının parlament fraksiyasının rəhbəri Sara Vaqenknext Ukraynanın "dibsiz çəllək" olduğunu bildirib.

Deputat bu barədə özünün Youtube kanalında deyib.

O qeyd edib ki, Birləşmiş Ştatlar artıq tədricən Kiyevi maliyyələşdirməkdən imtina edir və Slovakiya ümumiyyətlə "bu mənasız hərbi əməliyyatlara görə silah göndərmək üçün vergi vəsaitlərini israf etmək" istəmir.

Deputat vurğulayır ki, eyni zamanda Almaniya Ukraynaya ikinci ən böyük silah tədarükçüsünə çevrilib.

Deputat Almaniyanın münaqişə başlayandan bəri Ukraynaya nə qədər vergi ödəyicisi vəsaiti xərclədiyini hesablayıb. Onun sözlərinə görə, 24 milyard avro birbaşa Ukraynaya köçürülüb. Aİ Ukraynaya 85 milyard avro köçürüb, lakin Almaniya faktiki olaraq bunun 20 milyardını verib, çünki Aİ büdcəsinin dörddə biri Berlin tərəfindən maliyyələşdirilir. Almaniya ukraynalı qaçqınlar üçün daha 14 milyard xərcləməli olub.

"İndi biz artıq 60 milyardı saymışıq" deyən deputat əlavə edib ki, Almaniyanın özündə də yoxsul uşaqlara kömək etmək üçün iki milyard avro xərcləməyin mümkün olub-olmaması ilə bağlı müzakirələr gedir.

Telegramda izləyin