Eyyub Əliyev: "Köhnə avtomobillərin utilizasiyası könüllülük prinsipi ilə olacaq"-VİDEOMÜSAHİBƏ

"Utilizasiya əsasən yaşı 20-30 dan yuxarı olan avtomobillərə şamil olunacaq. Ölkəmizin avtomobil parkının 8 faizindən çoxu yaşı 40-dan çox olan avtomobillərdir. Həmin avtomobillər həm büdcəmizə, həm ekologiyamıza ziyandır. Köhnə avtomobillərin utilizasiyası könüllülük prinsipi ilə olacaq. Yəni məcburi olmayacaq".

Bu sözləri Azərbaycan Avtomobil Dilerləri Assosiasiyasının icraçı direktoru Eyyub Əliyev Sonxeber.az-a müsahibəsində bildirib.

O qeyd edib ki, köhnə avtomobil sürücüləri utilizasiya prosesindən sonra maşınsız qalmayacaqlar. Onlara yerli istehsal avtomobillərin xüsusi güzəşt və uzunmüddətli kreditlə verilməsi müzakirə edilir:

"Köhnə avtomobil sahibləri üçün təyin olunan vauçer 2500-3000 manatdır.Amma onun da üzərində aidiyyatı qurumlar iş görür. Biz Bakı ətrafında da görürük ki, köhnə maşınlar dəmir daşıyırlar. Onlar çörək pulu qazanmaq üçün bundan istifadə edirlər. Ona görə də bu həssas məsələdir və həssas yanaşılır. Diqqət yetirilir ki, sürücülər avtomobilləri utilizasiya ilə alındıqda işsiz və maşınsız qalmasınlar. Ölkəmizdə yerli istehsal avtomobillər var. Həmin avtomobillərin xüsusi güzəşt və uzunmüddətli kreditlə verilməsi müzakirə edilir".

Eyyyub Əliyev həmçinin yaxın vaxtlarda keçiriləcək maşın festivalları barədə məlumat verib.

Telegramda izləyin

instagramda izləyin