"Hər şey demək olar ki, on dəqiqə ərzində baş verdi" - Yelena Sidorenko - VİDEOMÜSAHİBƏ

"Hər şey demək olar ki, on dəqiqə ərzində baş verdi" - Yelena Sidorenko - VİDEOMÜSAHİBƏ"Mən uşaqlıqdan rəqslə məşğul olmuşam və ANS televiziyasında keçirilən rəqs müsabiqəsində iştirak etmişəm. Televiziyaya aparıcı kimi dəvəti də elə həmin müsabiqə vasitəsilə almışam. Sadəcə, orada görmüşdülər ki, qeyri-azərbaycanlı bir qız Azərbaycan dilində danışır və s. Ümumiyyətlə, ağlımın ucundan belə keçməzdi ki, mən xəbər aparıcısı ola bilərəm. Düşünürdüm ki, bu, daha çox şou-biznes və ya hansısa əyləncəli verilişlərlə bağlı olacaq. Çünki ilk təhsilimi Azərbaycan Dövlət Mədəniyyət və İncəsənət Universitetində alırdım və tam əmin idim ki, bu sahə üzrə fəaliyyət göstərəcəm".

Bu sözləri Sonxeber.az-a müsahibəsində tanınmış teleaparıcı Yelena Sidorenko danışıb.

O, müsahibə əsnasında qeyd edib ki, ömrümdə heç vaxt xəbərlərə baxmamışdım, çünki ailəmiz rusdilli olduğu üçün heç kim Azərbaycan dilində xəbərlər izləmirdi:

"Hər şey demək olar ki, on dəqiqə ərzində baş verdi. O vaxt televiziyanın rəhbəri Vahid Mustafayev məni dəhlizdə gördü və nə işlə məşğul olduğumla maraqlandı. Mən də həmin vaxt orada təcrübə keçirdim və 17 yaşlı həvəsli bir qız kimi gördüyüm işlərdən danışırdım. Çox güman ki, Vahid müəllim məndə xəbər aparıcılığına dair bir potensial hiss etdi və söhbət əsnasında məni yavaş-yavaş xəbər studiyasına apardı.

Mən isə ömrümdə xəbərlərə baxmayan bir qız idim. Çünki ailəmiz rusdilli idi və heç kim Azərbaycan dilində olan xəbərləri izləmirdi. İlk dəfə idi ki, ANS-in studiyasında idim və pərdələr açıldı. Artıq orada olan hər kəs başa düşdü ki, bu, yeni aparıcıdır - bircə, məndən başqa. Məni oturtdular və dedilər: "Kameraya bax və orada nə görürsənsə, oxu". Qarşımda isə iqtisadiyyat xəbərləri idi.

Həmin an sözün əsl mənasında dilim dolaşmışdı, çünki oradakı sözləri tələffüz edə bilmirdim. (gülür) Sadəcə, tanışları ilə ünsiyyət qura biləcək qədər Azərbaycan dilini bilən, 8-ci mikrorayonda böyüyən, "yeddişüşə", "qaçdı-tutdu" oynayan bir qız idim. Amma birdən-birə iqtisadiyyat xəbərləri oxumaq, doğrusu, çox qəribə idi.

Geyimim də çox gülməli idi — çəhrayı rəngdə paltar, böyük sırğalar və s. Yəni, xəbər aparıcılığı ilə mənim heç bir uyğunluğum yox idi. Həmin anda Vahid müəllim də efir otağında iclas keçirirdi və hamı mənə baxıb qiymət verirdi: bu qız efirə yaraşırmı, ya yox. Nəticədə Vahid müəllim dedi: "İki həftə sonra efirdəsən". Mən nə qədər etiraz etdim, "yox" dedim, heç nə dəyişmədi". (gülür)

Müsahibənin tam versiyasını YouTube kanalımızda izləyə bilərsiniz:

Vüsalə İbrahimli


Sonxeber.az
Telegramda izləyin
Müsahibə   Baxılıb: 1428   Tarix: 17 oktyabr 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

"Həftənin qonağı" verilişində Amid Qasımov: "Nazim obrazı mənə çox şey öyrətdi" - VİDEOMÜSAHİBƏ

"Həftənin qonağı" verilişinin bu buraxılışında Azərbaycan Dövlət Yuğ Teatrının istedadlı aktyoru Amid Qasımov qonaq olub. Verlişdə aktyorun son çəkildiyi "Tilov" serialında canlandırdığı Nazim obrazı, eləcə də teatr yaradıcılığı ilə bağlı maraqlı söhbətlər yer alıb. Amid Qasımov bildiri

30 dekabr 2025
.

Bir qaşığı da bəs edir - Alimlərin "tanınmayan möcüzə" dediyi super qida

Elm adamları uzun müddət diqqətdən kənarda qalan bu tərəvəzin əslində sağlamlıq üçün əvəzolunmaz olduğunu açıqlayıblar. Mütəxəssislərə görə o, təkcə immunitet sistemini gücləndirmir, həm də xolesterini aşağı salır və bağırsaqları təbii şəkildə bərpa edir. xəbər verir ki, söhbət rəngi ilə diqqət çəkə

25 oktyabr 2025
.

"Qızılcadan qorunmağın ən effektiv yolu peyvənddir" - İnfeksionist həkim İbrahim Rufullayev - VİDEOMÜSAHİBƏ

"Qızılcadan qorunmağın ən effektiv yolu peyvənddir". Bu sözləri infeksionist həkim İbrahim Rufullayev -a müsahibəsində deyib. Həkim qeyd edib ki, peyvənd həm effektivlik baxımından daha yaxşı nəticə verir, həm də digər tədbirlərə xərclənən vəsaitdən daha ucuz başa gəlir:. "İnfeksion xəstəliklərdə

14 dekabr 2023
.

"Heç bir region ölkəsi rəqibimiz deyil" - İranlı analitik

"İranın rəqibi sayıla biləcək heç bir regional ölkə yoxdur". "Fars News"a istinadla siyasi analitik Məhəmməd Mərəndi bildirib. "Yeganə rəqib Amerikadır və İran Vaşinqtonla razılığa gəlməyə hazırdır", – deyə o əlavə edib. Mərəndi enerji qıtlığına toxunub: "Hazırda İra

17 iyul 2022
.

Trampın yeni qərarı "buzu qırdı": "Silah gücü" sülh yaradacaqmı?

Bu günlərdə dünya ictimaiyyəti bir daha "Silahın gücü"nün siyasi arenada, cəbhənin qaynar nöqtələrində baxışları və nəticələri necə dəyişdiyinin şahidi olur. Tramp Administrasiyasında bir ilk - "Silah gücü" sülh yaradacaqmı?. Söhbət ABŞ Prezidenti Donald Tramp Administrasiyasını

19 sentyabr 2025
.

"Ermənistan təkbaşına belə təxribat edə bilməz" - Emin Əliyev

"Ermənistan tərəfi İkinci Qarabağ müharibəsindən sonra həm canlı qüvvə, həm psixoloji baxımdan tar-mar olmuş vəziyyətdədir. Bu psixoloji gərginlik və beynəlxalq nüfuzun itirilməsi imkan verə bilməz ki, Ermənistan təkbaşına belə təxribatlar etsin". Bu sözləri Yeni Azərbaycan partiyasının Zəngila

20 sentyabr 2022
.

Rusiya növbəti səfərbərliyə hazırlaşır - ISW

Rusiya növbəti səfərbərlik dalğasını gözləyir ki, bu da sonda Ukraynada cəbhəyə köçürülən rus qoşunlarının ümumi keyfiyyətini pisləşdirəcək. Bu Müharibənin Tədqiqi İnstitutunun (ISW) analitiklərinin hazırladığı son hesabatda yer alıb. ISW-nin məlumatına görə, Putin səfərbərliyə son qoymaq barədə əm

19 noyabr 2022
.

"Bəlkə bununla bağlı kitab da yazdım" - Fəxriyə Xələfova - VİDEOMÜSAHİBƏ

"Həftənin qonağı" verilişinin bu buraxılışında Azərbaycanın əməkdar incəsənət xadimi Fəxriyə Xələfova qonaq olub. Veriliş zamanı onun yaradıcılıq yolu, estetik dünyagörüşü və mədəniyyətə baxışı ətrafında söhbət aparılıb. xəbər verir ki, Fəxriyə Xələfova rənglərin insan psixologiyasına təsirində

22 dekabr 2025
.

Ada Süleymanova: "Gülü sevən, tikanına da qatlaşmalıdır" - MÜSAHİBƏ

Bəzən insan həyatında elə bir məqam gəlir ki, bütün tərəddüdlərini və qorxularını geridə qoyaraq yeni bir başlanğıca addım atır. 29 yaşında aparıcılıq yoluna çıxmaq isə sadəcə peşə seçimi deyil, həm də cəsarətin və özünə inamın hekayəsidir. Bu gün -ın qonağı yeni televiziya siması, lakin arxasında zəngi

5 mart