Nevroloq Röyanə Quluzadə: "Şəhər həyatı stress və nevroz riskini artırır" - VİDEOMÜSAHİBƏ

"Stress, nevroz, gərginlik və bu kimi psixoloji problemlər əsasən şəhər həyat tərzi sürən insanlarda daha çox müşahidə olunur. Urban mühitdə yaşayan şəxslər kənd yerlərində yaşayan insanlarla müqayisədə stressə daha çox məruz qalırlar".

Bu sözləri Sonxeber.az-a müsahibəsində nevroloq Röyanə Quluzadə danışıb.

O, müsahibə zamanı qeyd edib ki, stress, nevroz və bu kimi psixoloji problemlərə şəhər həyatının sürətli ritmi, nəqliyyat sıxlığı, havanın çirkli olması, daimi səs-küy və gündəlik gərginlik səbəb olur:

"Bu amillərin hamısı insanın sinir sisteminə mənfi təsir göstərir və psixoloji tarazlığın pozulmasına gətirib çıxarır. Xüsusilə gənclər həssas sinir sisteminə malik olduqları üçün bu problemlərlə daha tez-tez üzləşirlər.

Son dövrlərdə gənc insanlar arasında təşviş pozuntuları, obsessiv-kompulsiv nevroz, panik atak halları artmaqdadır. Bəzi hallarda isə bu problemlər huşun itirilməsi və konversion tutmalarla müşayiət olunur.

Psixoloji sağlamlığın qorunması üçün stressin idarə olunması, sağlam həyat tərzi və vaxtında mütəxəssisə müraciət mühüm əhəmiyyət daşıyır".

Vüsalə İbrahimli

Müsahibənin tam versiyasını YouTube kanalımızda izləyə bilərsiniz:

Telegramda izləyin