Çində yağan güclü qar səbəbindən minlərlə aviareys təxirə salınıb

Çində yağan güclü qar səbəbindən minlərlə daxili və beynəlxalq reys təxirə salınıb.

Sonxeber.az xəbər verir ki, təxirə salınma səbəbi ölkənin şimalına təsir edən qar yağışıdır.

Bu barədə Çin Meteorologiya İdarəsi məlumat yayıb.

Caixin tərəfindən uçuş məlumat xidmətləri təminatçısı Flight Masterdan verilən məlumata görə, dünən ölkə daxilində planlaşdırılan 16000 uçuşdan 4333-ü ləğv edilib.

Qeyd olunub ki, bu gün 1239 daxili, 39 beynəlxalq reys ləğv edilib.

Çin Meteorologiya İdarəsi bütün ölkəni əhatə edən soyuq hava ilə əlaqədar "təcili həyəcan" elan edib.

Rəsmilər bu gün günortadan bazar günü səhərədək ölkənin əksər hissəsində havanın temperaturunun 8-12 dərəcə aşağı düşəcəyini bildirib.

Ölkənin şimalında Şaansi, Jilin, Liaonin əyalətləri və Daxili Monqolustan Muxtar Bölgəsində havanın temperaturunun mənfi 20 dərəcəyə enə biləcəyi xəbərdarlığı edilib.

Digər tərəfdən, paytaxt Pekin və Tianjin şəhərləri, Hebey və Şansi əyalətləri və Sincan Uyğur Muxtar Bölgəsi üçün qar yağması, güclü külək və şaxta xəbərdarlığı təkrarlanıb.

Telegramda izləyin