50 nəfərlik kimsəsiz adadan canlı yayım edir! 21 yaşlı gənc qızın hekayəsi hər kəsi təəccübləndirdi

Dünyada milyardlarla insan böyük şəhərlərdə yaşasa da, bəziləri kimsəsiz adada yaşayır. Sakit okeanın cənubunda yerləşən Pitkern adası cəmi 50 əhalisi olan bir qəsəbə kimi tanınır və Pitkern adasında yaşayan 21 yaşlı Torika Kristianın hekayəsi bir çoxlarının marağına səbəb olub. Bu adaya səyahət bazar günləri təşkil edilir. Təşkil edilən bu səfərin turistlər üçün qiyməti 3 min 400 dollardır.

Sonxeber.az xəbər verir ki, sosial şəbəkələrdə bu hekayə izləyicilər arasında gündəm olub. Belə ki, adanın yerli sakinlərinin dediyinə görə, əgər burada qalacaqsansa, tənhalığa, səssizliyə alışmaq lazımdır.

Bəs bu adada bir gün necə keçir? Adada yaşayan 21 yaşlı Torika Kristian divar bəzəkləri və marka kimi əşyalar sataraq burada həyatına davam edir. Kimsəsiz adada canlı yayım açaraq maraqlı mövzulara toxunan 21 yaşlı gənc qız ada sakinləri ilə birlikdə hər kəsin sevimlisinə çevrilib. Onun gündəlik həyatını sosial mediada izləyənlər Torikanın paylaşımlarından şoka düşür.

Bunun səbəbi ada sakinlərinin kənar mövzulardan uzaq, burada həyatlarını yaşamalarıdır. Gənc qızın paylaşımları adada həyatın nə qədər çətin və eyni zamanda gözəl olduğunu göstərsə də, adanın davamlı gələcəyi üçün daha çox insanın burada məskunlaşmasının lazım olduğunu da ortaya qoyur.

Sevda Səfərova

Telegramda izləyin