Prezident seçkilərindən sonra Milli Məclis buraxıla bilər? - AÇIQLAMA

Məlum olduğu kimi, fevralın 7-də keçiriləcək növbədənkənar prezident seçkilərindən sonra kadr və struktur dəyişiklərinin həyata keçiriləcəyi barədə məlumatlar yayılmaqda davam edir. Bəs Azərbaycanda keçiriləcək prezident seçkilərindən onra Milli Məclis növbədəkənar seçkilərə gedə bilər?

Məsələ ilə bağlı, politoloq Kazım Kazımov Sonxeber.az-a açıqlamasında bildirib ki, Azərbaycan 1918-ci ildən bu yana tarixində ilk dəfə fərqli bir dönəmi yaşayır:

" Azərbaycan uzun illər ərzində bu problemlər ilə məşğul olmuşdur. Azərbaycan 30 il ərzində torpaqlarını işğaldan azad etməyə çalışdı. Lakin beynəlxalq təşkilatların heç biri bu istiqamətdə addım atmadı. 44 günlük Vətən müharibəsi və lokal antiterror əməliyyatlarından sonra Azərbaycan ərazi bütövlüyünü bərpa etmişdir. Azərbaycan tarixində misli görünməmiş bir hadisədir deyə bilərik. Belə ki, Azərbaycan ilk dəfə bütün ərazilərə müstəqil şəkildə nəzarət edir:

Politoloqun sözlərinə görə, Prezident seçkiləri və seçkilərindən sonra yeni bir iqtidarın formalaşması artıq demək olar ki, yeni bir parlament gələcəyini iddia edənlər az deyil:

" Artıq Azərbaycanın həyatında fərqli məsələlər durur. Bu günə qədər həmişə ən ümdə problem olaraq Qarabağ məsələsini qoymuşuq. Sosial enerjimizi və hər şeyimizi Qarabağa xərcləmişik. Xalqın iradəsi prezident seçkilərindən sonra, parlamentdə də bəlli olacaq olacaqdır. Parlamentin bir daha yeni legitimliyini təsdiqləməsi təbii ki, faydalı olacaqdır. Çünki yeni parlament, yeni hökumət kabineti ilə birlikdə Azərbaycan daha rahat, uğurlu şəkildə addımlar ata bilər. Düşünürəm ki bu ilin sonuna doğru yeni parlament seçkiləri keçirilə bilər. Bu parlament seçkiləridə tarixi bir önəm daşıyacaq. Bütün Azərbaycan ərazisində həyata keçiriləcək. Belə də yenilənmiş hökumət və parlament ilə Azərbaycan həm qərbdən gələn basqılara güclü olacaq, həm də daxildə Azərbaycan hakimiyyətinin atmaq istədiyi addımlar daha uğurlu olacağını hesab edirəm".

Sevda Səfərova

Telegramda izləyin