Bakıda bərbər bərbəri niyə öldürdü? - Hadisənin ŞOK TƏFƏRRÜATLARI

Bakıda bərbər bərbəri niyə öldürdü? - Hadisənin ŞOK TƏFƏRRÜATLARICİNAYƏT İŞİ

Qısa arayış...

2022-ci il dekabrın 16-da Bakının Nəsimi rayonu Asif Məhərrəmov küçəsində olan kişi salonunda qətl hadisəsi olub. Daxil olan məlumatla əlaqədar polis və prokurorluq əməkdaşları məhkəmə tibbi ekspertin iştirakı ilə hadisə yerinə baxış keçirib. Otaqda şkafın üzərində dəstəyi qara rəngli bıçaq, şkafa söykənmiş vəziyyətdə İlkin Qurbanlının meyiti, ətrafında qan ləkələri aşkar edilib.

Qətli törədən İsmayıllı rayon sakini 1994-cü il təvəllüdlü İsmət Qədirov hadisə yerində saxlanılıb.

Faktla bağlı Nəsimi rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Bakıda bərbər bərbəri niyə öldürdü? - Hadisənin ŞOK TƏFƏRRÜATLARILent.az qətl hadisəsinin istintaq materiallarını əldə edib.

İstintaqla müəyyən edilib ki, oktyabrın 1-də aralarında baş vermiş mübahisədən sonra İsmət Qədirov, İlkin Qurbanlının, ortaq tanışlarının yanında onun barəsində nalayiq ifadələr işlətməsini yadına salıb. Bunu bəhanə edən İsmət Qədirov dekabrın 16-ı saat 13 radələrində salona gələrək, üzərindəki məişət təyinatlı bıçaqla İlkin Qurbanlıya zərbələr vuraraq, onu öldürüb.

İş üzrə dindirilmiş İsmət Qədirov bildirib ki, 4 ildir bərbərlik fəaliyyəti İlə məşğuldur. İlkin Qurbanlını 2022-ci ilin may ayından tanıyıb:

"İlkin və Vüsalla birgə A.Məhərrəmov, 174 ünvanında yerləşən "Nİ Studio" adlı salonda çalışırdıq. Bir otaqdan ibarət olan salon pərdə ilə ayrılır, digər hissədə mətbəx və ayaqyolu yerləşirdi. Avqust ayından satmaq məqsədi ilə mənə, adını xatırlamadığım şəxs müxtəlif ətirlər verdi. Mən də ətirləri satmaqla, əlavə 5-10 manat pul qazandım.
Bakıda bərbər bərbəri niyə öldürdü? - Hadisənin ŞOK TƏFƏRRÜATLARIİsmət Qədirov

Sentyabrın 20-də İlkinin Elməddin adlı tanışı məndən 1 ədəd ətir götürüb pulunu sonra verəcəyini dedi. Amma bir neçə gün keçsə də, həmin şəxs pulu vermədi. Oktyabrın 1-də borca görə salonun elektrik enerjisi kəsildi. Vüsal təxminən 90 manat borclarının bir hissəsini vermək lazım olduğunu söylədi. Həmin gün üzərimdə 23 manat pul vardı. İlkinə dedim ki, tanışı Elməddinin götürdüyü ətirin pulundan heç olmasa 10 manat versin, amma iş yoldaşım üstündə cəmi 5 manat olmasını bildirdi və "ətir satanın ünvanına" nalayiq ifadə işlətdi. Ətir satdığım üçün İlkindən kimi söydüyünü soruşanda, İlkin mənə ətir gətirənləri nəzərdə tutduğunu dedi. Müştəri az gəldiyinə və iş zəif olduğuna görə oktyabr ayında həmin salondan çıxıb Yasamal rayonu, Ə.Ələkbərov küçəsində icarəyə yer götürdüm. Amma orda da çox işləmədim. Noyabrın ortalarında əvvəl işlədiyim salona getdim. Müştərilərin yanında haqqımda nalayiq ifadələr işlətdiyini soruşanda, İlkin mənim haqqımda pis heç nə söyləmədiyini dedi. Dekabrın 11-də "20 Yanvar" küçəsində, icarəyə yeni yer götürüb, yenidən bərbərlik fəaliyyətinə başladım. Öz müştərilərimə bu barədə xəbər etsəm də, bəziləri yanıma gəlməkdən imtina etdi. Ürəyimdə şübhə yarandı ki, İlkin müştərilərin yanında arxamca danışıb, amma bunu üzbəüz mənə deyə bilməyib. Dekabrın 16-ı saat 10 radələrində iş yerinə yollandım. Bir qədər işdə oturduqdan sonra İlkini öldürmək məqsədilə xırdavat dükanına gedərək, qara qulplu mətbəxi bıçağı aldım. Saat 12 radələrində İlkinin işlədiyi salonun qarşısına çatanda, qapının bağlı olduğunu gördüm. Orda işləyən Əfqan Hüseynov İlkinin gəlib, salonu açacağını söylədi. 15-20 dəqiqədən sonra Sahil adlı şəxs, ardınca da İlkin gəldilər".
Bakıda bərbər bərbəri niyə öldürdü? - Hadisənin ŞOK TƏFƏRRÜATLARISaat təxminən birin yarısı olub. Sahil divanda oturub. Bir neçə dəqiqədən sonra pərdəni çəkib, içəri keçəndə Əfqanın saçını yuduğunu, İlkinin isə paltar şkafının qarşısında telefonda nəyəsə baxdığını görüb:

"Aramızda 1 metr məsafə vardı. Gödəkcəmin iç cibindən bıçağı çıxartdım və cəld bir addım irəli atdım. Sol əlimdə saxladığım kəsici alətlə İlkinin ürək nahiyəsinə güclü zərbə vurdum. Bıçağın dərinə daxil olduğunu özüm də hiss etdim. Zərbə vuran anda İlkin başını qaldırıb mənə baxdı və arxaya gedərək, divara söykənib yarımoturaq vəziyyətdə qaldı. İlkinin bədəninə və ayaqlarına çoxsaylı zərbələr vurmaqda davam etdim. Sahillə Əfqan bıçağı əlimdən almağa çalışanda hər ikisi əllərindən xəsarət aldı. İlkin yerdə uzanıqlı vəziyyətdə qalmışdı. Hadisə təxminən 5 dəqiqə çəkdi. Sonra Çevik Polis Alayının əməkdaşları gəlib onu sakitləşdirdilər. Bıçağı əlimdən alıb, 19-cu şöbəyə apardılar".

Bakıda bərbər bərbəri niyə öldürdü? - Hadisənin ŞOK TƏFƏRRÜATLARIZərərçəkmiş şəxsin hüquqi varisi Səbuhi Qurbanlı ifadəsində göstərib ki, qardaşı İlkin 2016-cı ildə ailə həyatı qurub, himayəsində 6 yaşlı qız övladı var:

"İlkinin iş yerinə gedəndə İsməti orda görüb salamlaşdım. Onların arasında heç vaxt narazılıq, dava-dalaş olmasını eşitməmişdim. Dekabrın 16-da polis əməkdaşları mənə zəng edərək, İsmət Qədirovun qardaşımı öldürdüyünü bildirdilər. Şəxsən mənim yanımda İlkin İsmət barədə heç vaxt pis heç nə danışmayıb".

Şahid Seymur Məmmədov bildirib ki, Nəsimi rayon Polis İdarəsinin 19-cu Polis Şöbəsi və 20-ci Polis Bölıməsinin ərazilərində xidmət aparır:

"Dekabrın 16-da A.Məhərrəmov küçəsi, 174 ünvanında yerləşən kişi salonundan qışqırıq səsləri eşitdim. Polis serjantı Hilal İskəndərovla birlikdə qaçıb içəri daxil olduq. Bir nəfərin digər şəxsin əlindəki bıçağı almağa çalışdığını, üzü saqqallı bir oğlanın isə yerdə oturub, xırıldadığını gördük. Sonradan adının İsmət olduğunu öyrəndiyim şəxsdən bıçağı alıb, masanın üzərinə qoyduq.
19-cu şöbənin növbətçi hissəsinə və Təcili Tibbi Yardım Stansiyasına məlumat verdik. Bir qədər sonra gələn həkimlər müayinə edib, artıq onun öldüyünü bildirdilər".
Bakıda bərbər bərbəri niyə öldürdü? - Hadisənin ŞOK TƏFƏRRÜATLARIŞahid Sahil Şirəliyev bildirib ki, dekabrın 16-da İlkin şkafın yanında dayanıb telefonuna baxıb, bu zaman İsmət ona yaxınlaşaraq pərdəni bağlayıb:

"Təxminən 10 saniyədən sonra İlkinin qışqırıq səsini eşitdim. Dərhal ora yaxınlaşdım. İsmətin divara söykənən İlkinə bıçaqla zərbə vurduğunu gördüm, cəld onu tutub arxaya çəkdim. Əfqanı köməyə çağırdım. İsmətdən bıçağı almaq istəyərkən sol və sağ əlimin barmaqları kəsildi. Bu zaman içəri girən polis əməkdaşları mənə köməklik göstərdilər. İsməti şöbəyə apardılar. Şkafa söykənmiş vəziyyətdə, hərəkətsiz qalmış İlkinə yardım göstərməyə çalışdıq. Çox qan axmasın deyə Əfqan əlinə keçən kabeli onun bud nahiyyəsinə bağlamışdı. Bir neçə dəqiqədən sonra Təcili Yardım işçiləri gəlib, İlkinin öldüyünü bildirdilər".

Şahid əlavə edib ki, İsmət Qədirov onu və Əfqanı vurmaq istəməyib, sadəcə onun əlindən bıçağı almaq istəyərkən, təsadüfən əlləri kəsilib.
Bakıda bərbər bərbəri niyə öldürdü? - Hadisənin ŞOK TƏFƏRRÜATLARIŞahid Vüsal Nəcəfzadə ifadəsində göstərib ki, 2020-ci ilin may ayından hadisə baş verən salonda bərbər işləyib:

"İsmət Qədirov məndən bir həftə sonra işləməyə başlayıb. Bərbərxanada 4 bərbər masası vardı, hər masaya görə Təranə adlı qadın 200 manat alırdı və bizimlə icarə müqaviləsi bağlamamışdı. 2022-ci ilin avqust ayından şirkət nümayəndələri İsmətə müxtəlif ətirlər verdi. İş yoldaşım da ətirləri satdıqdan sonra, öz xeyrini götürüb, qalan hissəsini şirkət əməkdaşına verirdi.

Dekabrın 12-də İsmət mənə zəng edib yaxınlıqda icarəyə təzə obyekt götürdüyünü dedi. Buna görə həmin gün yanına gedib, onunla bir az söhbət etdim. Ayın 15-də işdə olanda İsmətə görüntülü zəng edib danışdım. Həmin vaxt İlkinlə Əfqan da yanımda idi. Dekabrın 16-da evdə olanda, günorta mənə xəbər verdilər ki, İsmət İlkini qətlə yetirib. Əvvəl inanmadım. Ora çatanda, salonun qarşısında insanların toplaşdığını gördüm".

Bakıda bərbər bərbəri niyə öldürdü? - Hadisənin ŞOK TƏFƏRRÜATLARIİlkin Qurbanlı

Məhkəmə iclasında İsmət Qədirov ittiham üzrə özünü təqsirli bilərək, zərərçəkmiş şəxsin ailəsi ilə barışdığını və əməlindən peşman olduğunu qeyd edib.

Zərərçəkmiş şəxsin hüquqi varisi təqsirləndirilən şəxsə qanuna müvafiq cəza verilməsini istəyib.

Məhkəmə hesab edir ki, İsmət Qədirov Cinayət Məcəlləsinin 120.2.2-ci (xuliqanlıq niyyəti ilə qəsdən adam öldürmə) maddəsində nəzərdə tutulmuş cinayət əməlini törədib. Məhkəmə təqsirləndirilən şəxsə müddətli azadlıqdan məhrum etmə cəzası təyin olunmasını əsaslı sayıb.

Bakı Ağır Cinayətlər Məhkəməsinin hökmü ilə İsmət Qədirov cəzasını ciddi rejimli cəzaçəkmə müəssisəsində çəkməklə 16 il müddətinə azadlıqdan məhrum olunub.


Sonxeber.az
Telegramda izləyin
Kriminal   Baxılıb: 1865   Tarix: 19 fevral 2024  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Ər-arvad dalaşdılar, oğul anasının üstünə benzin töküb yandırdı

Abşeron rayonunda 21 yaşlı oğul anasını yandıraraq öldürüb. -ın məlumatına görə, hadisə rayonun Hökməli qəsəbəsində baş verib. Qəsəbə sakini, 2005-ci il təvəllüdlü Abdurrəhman Həsənli atası, anası və iki bacısı ilə bir evdə yaşayıblar. Məlumata görə, onun valideynləri arasında mütəmadi mübahisələr olub

5 noyabr
.

Vüsalın qətlinə görə cəmi 10 min veribmiş...

13 il əvvəl Qərb Universitetinin tələbəsi Vüsal Şilderin qətlini sifariş verməkdə ittiham olunan Xəyal Əli-Zadənin məhkəmə istintaqı başlayıb. "Qafqazinfo"nun məlumatına görə, Bakı Ağır Cinayətlər Məhkəməsində keçirilən bugünkü iclasda prokuror ittiham aktını elan edib. Xəyal Əli-Zadə 2013-c

28 sentyabr
.

Atasının ölümünə səbəb olan sürücü həbsdən azad edildi

Yol hərəkəti qaydalarını pozaraq ehtiyatsızlıqdan bir nəfərin ölümünə, dörd nəfərin isə müxtəlif dərəcəli bədən xəsarətləri almasına səbəb olmaqda təqsirli bilinən şəxs barəsində çıxarılmış hökmdən verilən apellyasiya şikayətlərinə baxılıb. "Qafqazinfo" xəbər verir ki, bu barədə Bakı Apellyasiy

12 noyabr
.

Azərbaycanda icra başçısı cərimələndi

Səbail Rayon İcra Hakimiyyətinin başçısı Vüqar Zeynalovla bağlı inzibati protokol tərtib olunub. -a istinadən xəbər verir ki, icra başçısı ilə bağlı İnzibati Xətalar Məcəlləsinin 528.1-ci maddəsi ilə protokol tərtib olunaraq məhkəməyə göndərilib. İşə baxış zamanı müəyyən edilib ki, eyni vaxtda baş vermi

27 oktyabr
.

Aliment verməkdən imtina edən kişi - 4-cü dəfə həbs olundu

Sabirabad rayonunda aliment borcunu qərəzli şəkildə ödəməyən şəxs növbəti dəfə həbs olunub. "Qafqazinfo"nun əldə etdiyi məlumata görə, rayonun Çöl Beşdəli kəndində yaşayan 1984-cü il təvəllüdlü Əhməd Ələmov (ad və soyadlar şərtidir) bu dəfə 1 il 6 ay müddətinə həbs cəzasına məhkum edilib. Araşdırmala

30 sentyabr
.

Bakıda kişi arvadını dişlədi, tava ilə döydü

Bakıda həyat yoldaşını döyərək xəsarətlər yetirən kişi cinayət məsuliyyətinə cəlb edilib. "Qafqazinfo"ya istinadən xəbər verir ki, 1989-cu il təvəllüdlü İsa Sərdarov (ad və soyad şərtidir - red.) Cinayət Məcəlləsinin 127 və 133-cü (qəsdən sağlamlığa az ağır zərər vurma və əzab vermə) maddələr

5 oktyabr
.

Vüqar Qurbanovun vəzifəli qohumunun bıçaqlanmasının şok təfərrüatı

Abşeronda direktor müavininin bıçaqlanması ilə nəticələnən hadisənin detalları məlum olub. -ın əldə etdiyi məlumata görə, hadisəni törədən Elçin Balayevə nizam-intizam məsələlərinə görə bir neçə dəfə direktor müavini Orxan Ənvərli tərəfindən xəbərdarlıq edilib. Lakin xəbərdarlıqlara məhəl qoymayan E.Balaye

8 oktyabr
.

Baş Prokurorluq və DİN kafedəki qətllə bağlı məlumat yaydı - 11 nəfər həbs edilib - Video

Baş Prokurorluq və Daxili İşlər Nazirliyinin istintaq qrupu tərəfindən keçirilən əməliyyat-axtarış tədbirləri nəticəsində Xətai rayonunda törədilmiş qətllə bağlı 11 nəfər həbs edilib. "Qafqazinfo" xəbər verir ki, bu barədə Baş Prokurorluq və DİN birgə məlumat yayıb. Açıqlamada deyilir:. "Oktyabrı

26 oktyabr
.

Qəzada ağır yaralanan sürücü xəstəxanada öldü

Paytaxtın Heydər Əliyev prospektində ölümlə nəticələnən yol qəzası baş verib. "Qafqazinfo" xəbər verir ki, oktyabrın 28-i saat 21 radələrində Nəcəfzadə Bahəddin Əfqan oğlunun idarə etdiyi "Lada Granta" markalı avtomobil prospektin "Koroğlu" metro stansiyası istiqamətind

30 oktyabr