İki Xalq artistinin əlindən "su içən" aktrisa: Ölümündən əvvəl deyib ki, saçımı kəsin...
"Mən sizləri çox sevirəm. Çox bağlıyam sizlərə. Əgər aylarla, illərlə kimisə görmürəmsə, onu bilin ki, həmişə fikrimdəsiniz, həmişə ürəyimdəsiniz. Çünki siz teatrla bağlı insansınız. Mən də teatram. Mən özüm yoxam, heçəm. Səsim Mərziyyənin səsi, nəfəsim Abbasın nəfəsidir."
Həmişə deyirdi ki, mənim bu yerə gəlməyimə səbəb Allahın verdiyi istedad və öz zəhmətimdir. Bütün rejissorlar onunla işləmək istəyirdi. Amma nədənsə onun bacarığından kinoda az istifadə etdilər.
Xalq artisti, Şöhrət ordenli aktrisa Firəngiz Şərifovadan danışırıq.
Publika.az xəbər verir ki, sevilən aktrisanın 20 fevralda anım günüdür.
Görkəmli aktyoru, teatr və kino rejissoru, Xalq artisti Abbas Mirzə Şərifzadə və peşəkar aktrisa, SSRİ Xalq artist Mərziyə Davudovanın ailəsində, 1924-ci il, fevralın 6-da dünyaya gəlib Firəngiz Şərifova. Səkkiz yaşında Azərbaycandilli məktəbin birinci sinfinə gedib və növbəti ildə yenidən rus məktəbinin birinci sinfində oxumağa başlayıb. Paralel olaraq səkkiz il Bakı Xoreoqrafiya Məktəbində təhsil alıb. 1941-ci ildə ailələrinin yaxın dostu və xeyirxahı Üzeyir bəy Hacıbəylinin məsləhəti ilə Azərbaycan Dövlət Konservatoriyasının vokal fakültəsinə daxil olub. Beş il konservatoriyada təhsili alıb və soprano səsinin peşəkarlıq yönündə formalaşmasına nail olub. Teatr səhnəsinə ilk dəfə elə səkkiz yaşında çıxıb. Cəfər Cabbarlının təkidi və atası Abbasmirzənin razılığı ilə "Oqtay Eloğlu"nda Sevər və bir az sonra "Sevil"də Gündüz rollarını özünəməxsus tərzdə canlandırıb.
1947-ci ildə Firəngiz Şərifovanın təyinatı Azərbaycan Dövlət Musiqili Komediya Teatrına verilir. O, bu teatrın səhnəsində Gülçöhrə, Durna, Ulduz, Keto, Bayadera kimi bir-birindən fərqli obrazlara səhnə həyatı verir. Aktrisa daha sonra Akademik Milli Dram Teatrının səhnəsində fəaliyyətini davam etdirir. Bu sənət ocağında Həcər, Rəfiqə Rəhimli Ket, Erfila, Gülgün və bu kimi neçə-neçə rolları sevərək tamaşaçılara təqdim edir.
Firəngiz Şərifovanın kino yaradıcılığı da ən azı teatrdakı qədər uğurlu və yaddaqalandır. İstedadlı aktrisa "Azərbaycanfilm" kinostudiyasında istehsal olunan "Qaraca qız"da Yasəmən, "Bir ailəlik bağ evi"ndə Ana, "Bayquş gələndə" filmində Nənə, "Qərib cinlər diyarında" Tükəz, "Qətl günü"ndə Nənə obrazları ilə də sevilməyi bacarıb. "Bir ailəlik bağ evi" filmindəki Ana rolu psixoloji məna çalarlarına və emosional sənətkarlıq xüsusiyyətlərinə görə aktrisanın peşəkarlığının bariz nümunəsidir.
Firəngiz Şərifovanın Azərbaycan kinosunda həyat verdiyi surətlər psixoloji dərinliyi, səmimiliyi və inandırıcılığı ilə səciyyələnərək parlaq ekran obrazları kimi uğurlu tale yaşayıb. Aktrisanın müxtəlif televiziya tamaşalarında böyük sənətkarlıqla oynadığı rollar qiymətli sənət nümunələri kimi milli televiziyanın fondunda qorunur. Görkəmli sənətkarın altmış ildən artıq bir dövrü əhatə edən mənalı yaradıcılıq yolu gənc aktyorlar nəsli üçün bir sənət məktəbidir.
Sənətkar milli teatr və kino sənətinin inkişafında xidmətlərin görə "Xalq artisti" fəxri adlarına, 2009-cu ildə "Şöhrət" ordeninə layiq görülüb. Prezidentin fərdi təqaüdçüsü olub.
Aktrisa son günlər başını qaldıra, uzana bilmirmiş. Amma buna baxmayaraq, son günlərində belə pozitivliyini qoruyurmuş: "Saçımı kəsin, üzümə düşür, bəzəyin, qəşəng görünmürəm".
Nəvəsi - müğənni Eldar Qasımov müsahibələrinin birində deyir:
"Nənəm xəstə olanda deyirdi ki, mənə nə dərman, nə də yaşamaq üçün vasitələr lazımdır. Bu həyatda, bu bədəndə mən artıq öz missiyamı bitirmişəm. Mən sizə oradan kömək edə bilərəm. Oranın gücləri, burdan güclüdür".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
1960-cı ildə proqnozlaşdırılan "qiyamət günü" gəldi
Kadir İnanırın mirasının məbləği açıqlandı
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycanda siqaret yenidən bahalaşacaq? - İqtisadçıdan AÇIQLAMA
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi
Yeni Azərbaycan Partiyasının yaradılmasının 34-cü ildönümü: Milli dövlətçilik tariximizin mühüm mərhələsi
Dünyada ərzaq ucuzlaşır, Azərbaycanda isə bahalaşır - Səbəb nədir? - İQTİSADÇIDAN AÇIQLAMA
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Universitetlərə qəbul imtahanları ləğv edilə bilər? - Azərbaycanda yeni sistemə keçid mümkündürmü? - TƏHSİL EKSPERTİNDƏN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
Yevlaxda ağır qəzada 2 nəfər öldü
Rusiya Ukraynanı bombaladı