İrandakı səfirliyimiz fəaliyyətini bərpa edilir? -AÇIQLAMA

Xəbər verdiyimiz kimi, Azərbaycanın İrandakı səfirliyində terror aktı törədən şəxs haqqında ölüm hökmü çıxarılıb. Bu addımlar Azərbaycan və İran arasında əlaqələri düzəldə bilərmi? İrandakı səfirliyimiz yenidən bərpa oluna bilərmi?

Məsələ ilə bağlı politoloq Tural İsmayılov Sonxeber.az-a açıqlama verib:
"Azərbaycan və İran arasında əlaqələrin güclənməsi üçün bir çox addımlar atılmalıdır. Hazırda iki ölkə arasındakı İranın səbəb olduğu krizdə yumuşalma var. Azərbaycan və İran tərəfinin verdiyi açıqlamalar diplomatik münasibətlərin pozitiv məcraya daxil olduğunu göstərir. Amma əlbəttə ki, bizim üçün haqlı suallar hələ də var.
İrandakı Azərbaycan səfirliyinə hücum edən şəxsin ən ağır cəzaya sövq edilməsi təbii ki, önəmlidir. Amma bu hadisənin necə baş verməsi, arxasında kimlərin dayanması da Azərbaycan üçün önəmlidir".

Ekspert bildirib ki,iki ölkə arasındaki münasibətlərin düzəlməsi üçün Azərbaycanın axtarışa verdiyi və hal-hazırda İran ərazisində gizlənən şəxslər ölkəmizə təhvil verilməlidir:

"Əgər İranın iddia etdiyi kimi bu hadisə məişət zəminində olan cinayətdirsə burada da İranın günahı var. Çünki bu gündə İran mediasında Azərbaycan və Türkiyə əleyhinə informasiya mübadiləsi dayanmır. Eyni zamanda İran cəmiyyətində Azərbaycana qarşı nifrəti artırmaq üçün sosial media üzərindən kampaniya aparılır. İki ölkə arasındaki münasibətlərin düzəlməsi üçün Azərbaycanın axtarışa verdiyi, cinayət işi qaldırıdığı və hal-hazırda İran ərazisində gizlənən şəxslər ölkəmizə təhvil verilməlidir,

İran bir tərəfdən dostluqdan danışır, digər tərəfdən isə ərazisində Azərbaycana qarşı təbliğat aparan, sosial şəbəkələrdə paylaşımlar edən şəxsləri Azərbayana təhvil vermir.Bu hallar münasibətlərin düzəlməsi üçün əngəldir. Müəyyən anlaşmalardan sonra Azərbaycan və İran arasındaki münasibətlərdəki sakit ton səfirliyin yenidən açılmasına şərait yarada bilər".

Telegramda izləyin