"Kurtlar Vadisi"nin yayımı haqda dəqiq açıqlama verildi

Xəbər verdiyimiz kimi, Türkiyə mətbuatı "Kurtlar Vadisi" serialının yeni bölümlərinin Acun Ilıcalının rəhbəri olduğu "Exxen" kanalında yayımlanacağını yazmışdı.

Ölkə.Az "Hurriyet"ə istinadən xəbər verir ki, yayılan xəbərlər izləyiciləri sevindirsə də, prodakşn şirkəti bunu təkzib edib. Türkiyə televiziya tarixində iz qoyan serialın prodakşn şirkəti olan "Pana Film" iddianın ardından sosial mediada açıqlama yayıb.

"Bəzi saytlarda çıxan xəbərlər və sosial media hesablarında edilən paylaşımlar nəticəsində bu açıqlamanı vermək zərurəti yarandı. Yayılan xəbərlərdə və paylaşımlarda "Kurtlar Vadisi" serialının yeni bölümləri ilə ekranlara qayıdacağı, aktyor heyəti və yayımlanacağı platforma müəyyənləşdiyi barədə açıqlamalar var.

Öncə qeyd etmək istərdik ki, xəbər və paylaşımlar həqiqəti əks etdirmir. Məsələ ilə bağlı aidiyyəti qurumlara xəbərdarlıq edilib. "Kurtlar Vadisi serialı ekranlara qayıdanda, aktyor heyəti və platforma ilə bağlı xəbərləri və yenilikləri mənbəyindən öyrənmək üçün yalnız şirkətimiz və Necati Şaşmazın verdiyi açıqlamaları nəzərə almanızı xahiş edirik", - şirkət mediaya ünvanladığı məktubda qeyd edib.(Publika.az)

Telegramda izləyin