12 yaşa qədər pulsuz, bu yaşdan yuxarı pullu - VİDEO

12 yaşa qədər pulsuz, bu yaşdan yuxarı olanlar isə ödəniş etməlidir. Söhbət xəstəxanada pasiyent yanında qalan şəxsin gündəlik ödənişindən gedir. Qaydalara görə xəstənalarda pasiyentin yanında qalan şəxs gündəlik olaraq 11 manat ödəniş etməlidir.

Sonxeber.az xəbər verir ki, TƏBİB-in şöbə müdiri Fatiq Həsənov Xəzər xəbərə açıqlama verib. O, bildirib ki, 12 yaşa qədər olan pasiyentlərin yanında yaxınının qalmasının icbari tibbi sığorta tərəfindən qarşılandığı halda, 12 yaşdan yuxarı olan şəxslərdə isə qaydalar fərqlidir:

"12 yaşdan yuxarı olan şəxslərin bunun bir tibbi göstəriş olmayan bir hal kimi qəbul etsək ki, onların xəstəxanada qalması, əlavə olaraq amartisasiya xərclərinin ödənilməsi məqsədilə TƏBİB Müşahidə Şurasının qərarına uyğun olaraq 11 manat miqdarında xidmət nəzərdə tutulmuşdur".

Onun sözlərinə görə, sözügedən bu xidmət yalnız TƏBİB-in tabeliyində olan tibb müəssisələrinə aiddir.

" TƏBİB tabeliyində olan tibb müəssisələrinin yerləşdiyi regiondan və kateqoriyadan asılı olmayaraq hamısında bu xidmətlər eyni qaydada göstərilir. TƏBİB Müşahidə Şurasının qərarı onun tabeliyində olan tibb müəssisələri üçün keçərlidir".

Ətraflı "Xəzər Xəbər"in süjetində:

Telegramda izləyin