Ermənistan təxribatlarına davam edərsə müharibə yenidən başlaya bilər - AÇIQLAMA

"Ermənistan törətdiyi təxribatlarla regionda vəziyyəti yenidən gərginləşdirməyə çalışır".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, hazırda Ermənistan havadarlarının sifarişi ilə addım atır:

"Yaxşı olardı ki, Ermənistan 44 günlük Vətən müharibəsindəki biabırçı məğlubiyyətini və antiterror əməliyyatları zamanı verdikləri itkiləri unutmasın:

"Bu gün Azərbaycanın Müzəffər Ordusu Ermənistan tərəfinin bütün təxribatlarının qarşısını yüksək peşəkarlıqla alır. Bundan sonra da Ermənistan bütün təxribatlarının cavabı layiqincə veriləcək. Bütün bu təxribatlar sülh müqaviləsinin imzalanmasına maneə məqsədi daşıyır. Necə ki, 30 il ərzində Ermənistan təxribatları ilə status-kvonu qorumağa çalışdı, bu gün də eyni oyunu oynamaqdadır".

Deputat vurğulayıb ki, Ermənistan tezliklə Azərbaycan tərəfinin şərtləri ilə hazırlanan sülh müqaviləsini imzalayacaq:

"Sülh müqaviləsindən imtina Ermənistanın dövlət kimi varlığını şübhə altına sala bilər. Ermənistan təxribatlarına davam edərsə yenidən müharibə üçün şərait yaratmış olacaq. Bu da onun dövlət kimi xəritədən silinməsinə səbəb olacaq.Yaxşı olar ki, Ermənistan rəhbərliyi sülh müqaviləsini imzalayaraq xalqını növbəti biabırçı məğlubiyyətdən xilas etsin".

Telegramda izləyin