Azərbaycanda minimum pensiya 350 manata qaldırıla bilər? - AÇIQLAMA

Xalq arasında hər il minimum əməkhaqqı qədər, pensiya artımları maraq doğurur. Daha əvvəl bildirmişdik ki, prezident İlham Əliyev andiçmə mərasimindəki çıxışında bir daha bu məsələyə toxunaraq müəyyən məqamları diqqətə çatdırdı. Bu baxımdan Azərbaycanda minimum pensiyanın qiyməti 350 manata qaldırıla bilər?

Məsələ ilə bağlı Milli Məclisin deputatı Razi Nurullayev Sonxeber.az-a açıqlamasında bildirib ki, ensiya məbləğinin indiki variantda 350 manata çatdırılması çox yaxşı olardı:

"350 manatla heç dolanmaq olmur. Bu hələ minimalıdır ki, ən azından insanlar hiss etsin ki, onların pensiyalarında bir artım oldu. Hər il pensiyalar üzərinə əsaslı artımlar etmək lazımdır ki, yaxın 2-3 il ərzində heç olmasa pensiyaların məbləğini 600 manata çatdıra bilək. Sonrakı mərhələdə pensiyanın artması isə artan xətt üzrə getməlidir. Hər dəfə bu xeyli artım ilə müşahidə olunmalıdır. Yəni 15-20 manat artım ilə biz istədiyimiz nəticəyə nail ola bilmərik. Bununla bağlı dövlətin siyasətini həyata keçirənlər necə etmək lazım olduğunu bilir. Amma bu xalqın istəyidir və tələbidir. Həm də haqqıdır ki, bu əsasla artırıblar. Hər il müxtəlif bəhanələrlə artımları insanları narazı edəcək səviyyədə qaldirmasınlar. Hər il büdcə araşdırmaları aparılmalı və minimum illik 80-100 manat məbləğində gərək oensiyalar artırılsın".

Qeyd edək ki, hazırda Azərbaycanda minimum əməkhaqqı 345 manata, minimum pensiya 280 manata çatıb.

Sevda Səfərova

Telegramda izləyin

instagramda izləyin