Burada hər məhəllənin öz meydanı, öz məscidi var - VIDEO

Ordubadda hər bir məhəllənin öz meydanı, məscidi, çeşməsi və hamamı ilə yanaşı çinar ağacları var. Bu gündə şəhərin qədim məhəllələrinə getdik də eyni mənzərənin şahidi olursan. Ordubadın "Taqqılbab"ın qədim qapıları, palçıqdan ucaldılmış hasarları, qədim tikililəri və dar küçələri bizi tarixi keçmişimizə aparır. O keçmişə ki, qönçə çinarlar xanların, bəylərin səltənətinə, müharibələrin bu məhəllələrdə qaldıran gurhaguruna anbaan şahidlik edib.

Sonxeber.az xəbər verir ki, bu möhtəşəm tarixi bölgə ilə bağlı "Apa TV" süjet hazırlayıb, sakinlər isə maraqlı fikirlərini bölüşüb:

"Gördüyünüz şəhər meydanı baş meydandır. Bura çox qədim meydandır. Varsan məhəlləsində Ordubadın ən varlı adamları yaşayıb. Buradan daima qızıl səsi gəlib. Çinarın isə tarixi qədimdir. Hətta deyirlər ki, Nizami Gəncəvi çinarın yanına gələrək orada dincəlib".

Bu diyarın insanları çinarları kimi uzunömürlüdür. Ordubad şəhərində hansı səmtdə, hansı küçəyə yolunuz düşərsə mütləq çinar ilə rastlaşacaqsınız. Yerli sakinləri bu çinarlar ilə inanılmaz bir adət bağlayır. Sakinlər onlara məxsus əşyaları sadəcə illərin dostu olan çinarlara etibar edirlər.

Ətraflı "Apa TV"nin süjetində:

Telegramda izləyin