Səhhətində problem olan sürücülərə XƏBƏDARLIQ EDİLDİ - VİDEO

Səhhətində problem olan sürücülərə xəbərdarlıq var. Sağlamlıqlarında problem olduğu haqda sükan arxasında əyləşmək təhlükəlidir. Məsələn ürək çatışmazlığından əziyyət çəkən sürücülər bəzən elə sükan arxasında həyatını itirir. Nəticədə təhlükənin miqyası genişlənir. Piyadaların və digər sürücülərin həyatı təhlükə altına düşür.

Ötən gün isə Goran qəsəbəsi ərazisində belə bir hadisə baş verib. Bərdə rayon sakini Çingiz Kazımov sürücülük hüququna məxsus olmayan avtomobili idarə edərkən səhhətində yaranan problem səbəbindən sükan arxasında həyatını itirib. Hərəkətə davam edən avtomobil isə digər nəqliyyat vasitəsinə çırpılıb. Bu ilk dəfə deyil ki, belə bir hadisə baş verib.

Bu hal təbii ki, digər sürücüləri narahat edir. Sonxeber.az xəbər verir ki, onlar "Atv Xəbər"ə açıqlama verib:

"Kim ürəyində zəiflik hiss edirsə, narahatıq varsa, xahiş edirəm maşın sürməsin".

Baş Dövlət Yol Polisi İdarəsi belə halları nəzərə almağı, diqqətli olmağı, səhhətində hər-hansı problem olduğu təqdirdə sükan arxasında əyləşməməyi tövsiyə edir. Bu məsələdə məsuliyyətli davranmaq mütləqdir.

Ətraflı "ATV Xəbər"in süjetində:

Telegramda izləyin