300 nəfərin yaşadığı binada ağlasığmaz KOMMUNAL XƏRCLƏR! Aya 300-400 MANAT... - VİDEO

Yasamal rayonu Haqverdiyev küçəsində 64 ailənin yaşadığı 16 mərtəbəli binaya 30 ildir ki, istilik verilmir. Dövlətin balansında olan binada istilik sistemi var. Qızdırıcı xətlər quraşdırılıb. Amma mərkəzi istilik sisteminə illərdir ki, qoşulmur. Bu problem soyuq qış günlərində özünü daha qabarıq şəkildə büruzə verir.

Sonxeber.az xəbər verir ki, bina sakinlər "Apa TV"yə qışın oğlan çağında istiliyə həsrət qaldıqlarını deyib. Onlar deyir ki, bu illər ərzində aidiyyəti qurumlara, etdikləri çoxsaylı müraciətlərə heç bir müsbət cavab almayıblar:

"30 ildir ki, işıq pulu verməkdən təngə gəlmişik. Demək olar ki, bütün qazandığımız qış aylarında ancaq işıq puluna gedir. Axırıncı dəfə limit olduqdan sonra işıq pulumuz 200 manatı keçib.

Artıq bu qədər pul verməkdən yorulmuşuq. 260-300 manat pul verirəm. Hətta 400 manat işıqpulu verənlər belə var".

Məsələ ilə bağlı "Azəristilik Təchizat" ASC ilə əlaqə saxlanılıb. Qurumun mətbuat katibi Elvin Basqallı bildirdi ki, gələcək investisiya proqramlarında binaya istiliyin verilməsi nəzərdə tutulub:

"Həmin binanın istilik ilə təchiz edilməsi üçün yeni qazanxana tikilməlidir. Həmin binada məhəllədaxili və bina daxili istilik xətləri yenilənməlidir. Bütün bunlarla bağlı layihə hazırlanıb. Gələcək investisiya proqramlarında nəzərə alınarsa, sözügedən bina istilik ilə təmin edilə bilər".

Ətraflı "Apa TV"nin süjetində:

Telegramda izləyin