Texnologiyanın sehrli möcüzəsi "MWC 2024"də HONOR-dan gəldi - FOTOLAR

İspaniyanın Barselona şəhərində keçirilən 2024 Mobil Dünya Konqresi (MWC) mobil texnologiyaların sərgiləndiyi və sənayedəki ən son yeniliklərin vurğulandığı bir tədbir oldu. Dörd günlük tədbirin məğzinə 5G texnologiyalarının, generativ süni intellektin, bulud hesablamalarının ən son tətbiqləri daxildir. Tədbirdə 205-dən çox ölkə və bölgədən isə 100 mindən artıq insan iştirak edib.
Dünyanın dörd bir yanında texnologiya həvəskarlarının diqqətini çəkən bir tədbir olan "MWC 2024" tədbirində HONOR özünəməxsus yeniliyi ilə seçilir. Şirkət beynəlxalq media qurumları ilə görüşdə əsas hədəflərini açıqlayıb. Honor süni intellekt texnologiyası ilə bağlı əməkdaşlıq və texnoloji kommunikasiya strategiyasına start verib.Brendin "Magic Series" seqmentinin ən son modeli olan HONOR Magic6 Pro-nun təqdimatında ən maraqlı yeniliklərdən biri "Magic Portal" oldu. "Magic Portal" istifadəçi mesajlarını və davranışlarını anlamaq üçün süni intellektin gücündən istifadə edərək mürəkkəb tapşırıqları bir addımlı prosesə çevirir. Eyni zamanda, "Magic Capsule" ilə zənginləşdirilmiş Magic6 Pro istifadəçilərə vacib resurslara ani giriş imkanı verir və maksimum məhsuldarlıq üçün çoxsaylı proqramlar arasında naviqasiya ehtiyacını aradan qaldırır. HONOR Magic6 Pro həmçinin 50MP Ultra Geniş Kamera (f.2.0, EIS) və güclü 50MP əsas kamera (f/1.4 və f/2.0, OIS) ilə professional çəkilişi təmin edir. Bununla yanaşı HONOR Magic6 Pro səs, ekran, batareya xüsusiyyətlərində öz zirvəsini qoruyub saxlayır.
Digər tərəfdən təkmilləşdirilmiş istifadəçi təcrübəsini daha yığcam bir cihaza gətirən marka, tədbirdə istifadəçilərinə ən yeni planşet Pad 9-u təqdim etdi. 20Hz yeniləmə tezliyi ilə diqqət çəkən 12,1 düymlük 2,5K HONOR FullView ekrana və HONOR Histen səs tənzimləmə texnologiyası və səkkiz dinamiki ilə diqqəti cəlb edir.

Süni intellektin inkişaf etdiyi bir dövrdə HONOR sənayenin qabaqcıl texnologiyalarını ictimaiyyətə çatdırmaq üçün tərəfdaşları ilə fəal əməkdaşlıq edir. Tədbirin açılışı zamanı HONOR smatfon ilə bərabər, insan mərkəzli təcrübələri gücləndirmək üçün platforma səviyyəli süni intellektlə təchiz edilmiş ən son AIPC-si HONOR MagicBook Pro 16-nı istifadəçilərə təqdim etdi. HONOR-un ən son texnoloji möcüzəsi olan Honor MagicBook Pro 16, texnologiya həvəskarlarının və noutbuk istifadəçilərinin uzun müddətdir gözlədiyi yeniliklərlə satışa çıxarıldı. HONOR MagicBook Pro 16 16 düymlük HONOR FullView Displey, 3072 x 1920, 100% DCI-P3 yüksək ayırdetmə qabiliyyəti ilə təchiz edilib. Bu komponentlər MagicBook Pro 16-ya nəinki yüksək performans təmin edir, həm də çoxlu tapşırıq və gərgin iş yüklərində belə üstün istifadəçi təcrübəsi verir.
Nəticə etibarilə, qlobal texnologiya brendi HONOR Device Co. Ltd. CEO-su George Zhao-nun tədbirdə verdiyi mesajlardan aydın olur ki, şirkət təkcə qabaqlayıcı texnologiyalara maraqlı deyil. Eyni zamanda gələcəyə dərin baxışla rəhbərlik edir. Şirkət tədbirdə əməkdaşlıqların və nailiyyətlərin əldə edilməsində kollektiv səyin vacibliyini vurğulayır. HONOR süni intellektin inkişafı üçün təhlükəsiz və etibarlı mühitin yaradılmasının vacibliyini diqqətə çatdırır. Tədbirdə istifadəçilərə təqdim edilən ən son modellər onu deməyə əsas verir ki, şirkət texnologiyadakı irəliləyişlərini məxfilik və təhlükəsizliyə xələl gətirmədən davam etdirir.

Qeyd edək ki, "HONOR"un Azərbaycan nümayəndəliyi tədbiri professionallıqla həyata keçirdi. Tədbir zamanı Azərbaycan mediası yüksək səviyyədə təmsil olunub və ən yeni texnologiyalar mətbuatda işıqlandırılıb. Azərbaycanda "HONOR" istifadəçilərinin sayı az deyil. Bu baxımdan gələcək sərgilərdə qarşılıqlı əməkdaşlıq xeyli güclənəcək. Bu möhtəşəm tədbirdə azərbaycanlı jurnalistlərin iştirakı təşkil edildiyi üçün "HONOR"un Azərbaycan nümayəndəliyindən Lamiyə xanıma və Nihal bəyə öz dərin təşəkkürlərimizi bildiririk.

Telegramda izləyin