DİQQƏT: Azərbaycanda sahə həkimləri var - "Heç kim tanımır" - VİDEO

Azərbaycanda sahə həkimləri fəaliyyət göstərir. Lakin insanların bir çoxu onlardan xəbərsizdir.

Sonxeber.az xəbər verir ki, "Apa Tv" mövzu ilə bağlı sakinlər arasında sorğu keçirib. Şəhərdə keçirilən sorğu zamanı sakinlər bildirib ki, istər qızılca, istərsə də digər infeksion xəstəliklərə yoluxduqda nəinki qapılarını yolunu tanımırlar. Heç zəng edib maraqlanmırlar.

" Heç kim onları tanımır. Sahə həkimi ailə həkimidir. Amma sistemləri işləmir. 10-15 ildə qapını döyüb usaq ilə maraqlanan həkim görməmişəm. Heç indiki zamanda həkimin qəbuluna düşmək mümkün deyil. Qızılca deyirlər tüğyan edir. Qapını döyən yoxdur ki, uşaqların vəziyyəti nə yerdədir".

17 ildir ki sahə həkimi, özünün dili ilə desək ailə həkimi kimi fəaliyyət göstərən İlhamə Rəsulova deyir ki, bunun səbəbi sahə həkimlərində yox, onlara vaxtında müraciət etməyən insanlardadır:

"Sahə həkimi ilə problemlərimiz daha çox peyvənddən imtina halları ilə rastlaşırıq. Bizim gündəlik planımız var".

Ekspertlər hesab edir ki, sahə həkiminin özü vaxtında pasiyentlə maraqlanmalı, müayinədən keçirməli, lazımi tibbi sənədlərin yazılması üçün səy göstərməlidir:

"Onlar əvvəlki kimi effektiv fəaliyyət göstərə bilmir. Bunu həm obyektiv, həm də subyektiv səbəbləri var. Subyektiv səbəb odur ki, işin mexanizmi tədricən pozulur. Çünki standartlar dəyişir. Digər tərəfdən isə əhali sıxlığı və sayı iki dəfə artıb".

Ətraflı "Apa TV"nin süjetində:

Telegramda izləyin