Şagird çox, MÜƏLLİM YOX - VİDEO

Həmişə dövrün tələblərinə uygun, dəbdə olan ixtisaslar olur. Bir vaxtlar hüquqşünas olmaq istəyənlər çox idi. İndi isə tələb başqadır. Bəhs olunacaq sahədə tələb var. Amma bunu qarşılayacaq kadrlar yoxdur.

Rus bölməsində təhsil alan şagirdlərin sayı kifayət qədərdir. Lakin bu bölmədə kadr azlığı övladını rus bölməsinə təhsilə cəlb edən valideynləri irəli atmaq əvəzinə geri salır.

Sonxeber.az xəbər verir ki, mövzu ilə "ARB Xəbər" araşdırma aparıb. Ekspertlər deyirlər ki, rus bölməsində kadr azlığının əsas səbəblərdən biri rus dilli ixtisaslarının sayının azalmasıdır:

"Əvvəlki illərə diqqət yetirsək görərik ki, rus dilli ixtisaslar kifayət qədər azalıb. Məktəblərdə rus dilli müəllimlərin aldığı məvacib kifayət qədər yüksək deyil. İndiki gənclər bir peşəni seçməzdən əvvəl araşdırma edirlər. Bu araşdırmanın əsasında onlar müəllimlik ixtisasından çox özəl yaxud dövlət sektorunda, fərqli istiqamətlərdə rus dili tələb edən peşələrə üz tuturlar".

Fərqli ixtisas üzrə dərs deyən Azərbaycan bölməsi müəlliminin rus dilində başqa bir fənni tədris etməyi isə gələcəkdə bəzi problemlərin yaranmasına zəmin yaradacaq:

"Şagirdlərimiz kifayət qədər rus dilini mənimsəyə bilmir. Bu da onların gələcək illərdə, abituriyent vaxtı imtahan verərkən nəticələrinə də təsir edir. Biz diqqət yetirəndə görürük ki, artıq rus dilində təhsil alan şagird və abituriyentlərimiz Azərbaycan bölgəsində təhsil alan abituriyentlərdən xeyli az bal toplayır".

Ətraflı "ARB Xəbər"in süjetində:

Telegramda izləyin