Metro və avtobuslarda gediş haqqı 50 qəpiyə QALDIRILIR? - AÇIQLAMA

Son günlərdə metro və avtobuslarda gediş haqqının artırılacağı barəsində vətəndaş arasında fikirlər yayılıb. Ölkə ərazisində gediş haqqı artırıla bilərmi?

Məsələ ilə bağlı iqtisadçı Xaliq Kərimli Sonxeber.az-a açıqlama verib.

Xalid Kərimli gediş haqqı qiymətlərinin artmasının gözlənilmədiyini bildirib:

"Yaxın zamanlarda gediş haqqı qiymətlərinin artması gözlənilmir. Qiymətlərin bir ildən sonra artırılması düzgün deyil. Çünki, son bir ildə yanacaq, avtomobil qiymətlərinin kəskin artımı müşahidə olunmayıb. Yanacaq qiymətləri stabildir. Bu baxımdan gediş haqqında hər hansısa bir artım gözlənilmir. Çünki buinflyasiya təsir edir. Eyni zamanda gediş haqlarında qiymət artımı sosial narazılıqlara səbəb ola bilər. Hökümətin bu qısa müddətdə qiymət artımına gedməsi gözlənilmir. Çünki, 31 yanvar 2023 cü ildə bu qərar verildikdən sonrakı vəziyyətdə heç bir ciddi dəyişiklik olmayıb".

Qeyd edək ki, Tarif (qiymət) Şurasının 31 yanvar 2023-cü il tarixli iclasında metro və sərnişindaşımada gediş haqlarının artırılmasına dair qərar qəbul edilib.

Şura təklifləri müzakirə edərək metroda sərnişindaşıma tarifini 40 qəpik, müntəzəm şəhərdaxili marşrutlarda tarifin yuxarı həddini 40 qəpik , şəhərətrafı və qəsəbələrarası avtobus marşrutları üzrə tarifi məsafədən asılı olaraq 40 qəpik-1 manat arası, müntəzəm şəhərlərarası avtobus marşrutlarında tarifin yuxarı həddini 1 kilometr üçün 3 qəpik (əvvəlki tarif 2,4 qəpik), Bakı-Sumqayıt (Sumqayıt-Bakı) avtobus marşrutlarında tarifi 60 qəpik (əvvəlki tarif 50 qəpik) səviyyəsində müəyyənləşdirib.
Gülcahan Məmmədova

Telegramda izləyin