Vəfat edən şəxsin PENSİYASI KİMƏ VERİLİR? - AÇIQLAMA

Məlum olduğu kimi, ailə başçısını itirməyə görə əmək pensiyalarının hesablanması qaydası açıqlanıb. Vəfat etmiş və ya həlak olmuş ailə başçısının öhdəsində olan qanunda göstərilən ailə üzvlərinin nəzərdə tutulan şərtlərlə ailə başçısını itirməyə görə əmək pensiyası hüququ var. Lakin burada qaranlıq qalan məqamlar var. Belə ki, ailə üzvlərindən şəxs pensiya yaşına çatmadan əvvəl vəfat edirsə, onun pensiyasının ailə üzvlərinə verilməsi qaranlıq olaraq qalır. Bu baxımdan vəfat edən şəxslərin pensiyası kimə verilir?

Mövzu ilə bağlı Sonxeber.az-a danışan bank məsələləri üzrə ekspert, hüquqşünas Əkrəm Həsənov Sonxeber.az-a açıqlama verib:

Ümumi qayda belədir ki, şəxs ölürsə, qadının pensiyası, kişinin pensiyasından azdırsa, onun fərqini qadın alır. Eyni məsələ qadının vəfat etməsində belə keçərlidir. Belə ki, qadın vəfat edirsə, onun pensiyası kişinin pensiyasından çoxdursa, fərqi qadın alır. Pensiyalar eynidirsə heç bir şey ödənilmir. Fərq ödənilir. Məntiqdə budur ki, ər-arvad sağ olanda aldıqları pensiyaları onların birgə gəlirləridir. Bir də ailə başçısı məsələsi var. Onun himayəsində 18 yaşına çatmayan, əlil şəxs varsa, onun pensiyası ödənilir.

Qeyd edək ki, ailə başçısını itirməyə görə əmək pensiyası almaq hüququ olan ailə üzvlərinin hər birinə düşən pensiyanın məbləği ailə üçün hesablanmış ümumi məbləğin əmək qabiliyyəti olmayan ailə üzvlərinin sayına bölünməsi yolu ilə müəyyənləşdirilir.

Sevda Səfərova

Telegramda izləyin