"Zerkalnıy" nömrə oğruları peyda olub: MƏQSƏD NƏDİR? - VİDEO

Fırıldaqçılar yeni üsula əl atıblar. Hansı avtomobilin nömrəsi gözəgəlimlidirsə məqsədli şəkildə onları oğurlayırlar. Ona görə birini ələ keçirirlər ki, istədiklərini edə bilsinlər. Həmin nömrəni geri qaytarmaq üçün isə ağlasığmaz məbləğlər təkliflər edir. Bu baxımdan maşın sahibləri məcbur olur ki, onlar ilə anlaşsın.

"Maşından nömrəni söküblər. Şüşəyə də bir nömrə yapışdırıblar. Nömrə Rusiya nömrəsidir. Əlaqə saxladım və dedilər ki, geri almaq istəyirsinizsə 600 manat pul qoyarsız".

Qanunvericiliyə görə sürücü itmiş və oğurlanmış eyni nömrəni bərpa edə bilməz. Yalnız yeni dövlət qeydiyyatı nişanı almalıdır.

Sonxeber.az xəbər verir ki, məsələ ilə bağlı nəqliyyat üzrə ekspert Ərşad Hüseynov "ARB Xəbər"ə açıqlama verib:

"Yol hərəkəti haqqında qanunun 29-cu maddəsində qeyd olunub. Nömrənin təkrarı yox, yeni hərf və rəqəm kombinasiyalı başqa bir dövlət qeydiyyat nişanı verilir. Bu qanun isə sovet dövründən qalıb. O vaxtı belə bir şey var idi ki, avtomobilin nömrələrini oğurlayıb, onları kriminal məqsədlər üçün istifadə edə bilərlər. Amma müasir dövrdə hər yerdə elektron nəzarət sistemi var. Dövlət qeydiyyat nişanının 1 yaxud ikisi oğurlandısa, bu zaman həmin nömrələri nəzarəti götürə bilərlər".

Ekspert deyir ki, bu qanun sovet dövründən sonra bir çox ölkələrdə ləğv edildi.

Ətraflı"ARB Xəbər"in süjetində:

Telegramda izləyin