"Azərbaycanda bəzi rayonlara olan tur paketlər, xaricə səfərlərin qiymətinə bərabərdir" - Ekspert

Novruz bayramı ilə əlaqədar olaraq qarşıdan 7 günlük qeyri-iş günləri gəlir. Bu tətildən istifadə edərək əksər insanlar istirahətə üz tutacaqlar. Bəs ölkənin istirahət mərkəzlərində və xarici səfərlərdə qiymətlər necədir?

Məsələ ilə bağlı turizim eksper Ceyhun Aşurov Sonxeber.az-a açıqlama verib.

O bildirib ki, Azərbaycanda bəzi rayonlara olan tur paketləri, xaricə səfərlərin qiymətinə bərabərdir.

"Bayram günləri ilə əlaqədar olaraqvətəndaşlar rayonlara və xaricə üz tuturlar . Buna görə də bölgələrdə artımı müşahidə edirik. Adi günlərə nisbətən qiymətlər də fərqlənir. Bəzi otellər artıq Novruz bayramına hazırdır. Qiymətlərdə təbii ki artım olacaq. Amma keçən il ilə müqaisədə qiymətlər o qədər baha olmayacaq.

Xaricə səfər etmək istəyənlər üçün müxtəlif qiymətlər təklif olunur. Azərbaycanda bəzi rayonlara olan tur paketləri, xaricə səfərlərin qiymətinə bərabərdir. Əgər Türkiyəyə bir nəfər üçün 3 günlük səfər 500- 600 dollara başa gəlir. Azərbaycanda da rayonlarında elə həmin qiymətə istirafət etmək olur.

Nəzərə almaq lazımdırı ki, xarici səfərlərdə bu qiymət adambaşı nəzərdə tutulub. Misirə, Maldiv adaları, Şirlankaya səfərlər 1000 dollar üzərindən başlayır.

Nzərə almaq lazımdır ki, bu il Novruz bayramı Ramazan ayı ilə üst-üstə düşüb. Bu zaman bəzi şəxslər daha çox öz evlərində istirahət edirlər . Regonlara və ölkələrə səfərdən çəkinirlər. Buna görə də deyə bilmərik ki, qiymətlər kəskin şəkildə artıb. Ramazan ayıda qiymətlərə təsir edən faktordur. İnsanların Ramazan bayramından sonra səfərləri daha çox olacaq".

Telegramda izləyin