""Döyüş Qardaşlığı" təşkilatı bir başa Paşinyana dəstək verir" - Ekspert

Ermənistanın "Döyüş Qardaşlığı" təşkilatının 5 üzvü saxlanılıb.Bu barədə təşkilatın Teleqram kanalı məlumat yayıb. Məlumatda bildirilib ki, təşkilatın üzvləri Masis Şiroyan, Arman Petrosyan, Qor Asatryan, Henrik Mkrtçyan, Aramais Ağabekyan Noyemberyan polis bölməsinə gətirilib. "Hökumət nəyin bahasına olursa-olsun sülhə nail olmaq üçün planını davam etdirir", – deyə qeyd edilib. Qeyd edək ki, "Döyüş qardaşlığı" Qazaxın işğalda olan rayonlarının geri qaytarılmasına qarşı çıxan qurumdur. Bu qruplaşma faktiki olaraq muzdluların toplaşdığı terror təşkilatıdır. Bir müddət əvvəl onlar Qazaxın işğaldakı kəndlərinə girmişdilər.

Məsələ ilə bağlı hərbi ekspert Səxavət Məmməd Sonxeber.az-a açıqlama verib.

Ekspert qeyd edib ki, "Döyüş Qardaşlığı" təşkilatı bir başa Paşinyana dəstək verir:

"İki ölkənin delimitasiya komissiyası 4 kəndi ilə bağlı qərarını dəstəkləyəndən sonra, üzvlər Ermənistan televiziyasına müsahibə verdilər. Bu müsahibədə süni maneələr yaradılmasa qısa zamanda proses yekunlaşacağı qeyd olunmuşdu. Yəni Ermənistan faktiki olaraq bildirdi ki, süni maneələr mövcuddur. Keçmiş komandilər açıq şəkildə bəyan edir ki, siyasi rəhbərliyin əmrlərinə tabe olmayın.

"Dövüş Qardaşlığı" təşkilatı əsas iştirakçılardan biridir. Biz bu qrupları Rəsmi İravandan ayrı tuturuq. Reallıq isə bu "Döyüş Qardaşlığı" təşkilatının əslində orduda iştirak etməsidir. Bu təşkilat Ermənistanın müdaifə nazirliyi ilə birgə fəaliyyət göstərir. Onun rəhbərliyinin də Nikol Paşinyanla münasibətləri çox yaxşıdır. Ermənistan KİV-nə baxdığımız zaman açıq şəkildə görürük ki, bu təşkilat bir başa Paşinyana dəstək verir və onun hakimiyyətə gəlməsi üçün kampaniyalarda iştirak ediblər.

Süni maneələr Paşinyandan xəbərsiz baş verdiyini düşünmürəm. Bu elə Ermənistanın mövqeyi və siyasi xətlərindən birdir. Ermənistan süni maneələr ilə sülh prosesini ləngitmək istəsinlər. Azərbaycan üzərinə düşən işi görüb. Ermənistan tərəfinin görəcəyi işlər var. Ermənistan tərəfi aksiyaları bitirib, prosesı başlamalıdır. Yoxsa bu məsələ uzanacaqvə proseslər yenidən iki ölkə arasında problem həddinə gəlib çıxacaq".

Telegramda izləyin