Azyaşlı gəlin ənənəsi niyə sonlanmır? – Həbs cəzası da təsirli deyilsə...

Azyaşlı gəlin ənənəsi niyə sonlanmır? – Həbs cəzası da təsirli deyilsə...Bu günlərdə Azərbaycanda məktəbli qız evlənmək məqsədilə qaçırılıb. Məlumata görə, hadisə Goranboy rayonunda qeydə alınıb. Bildirilir ki, aprelin 23-də Xoylu kənd məktəbinin 8-ci sinfində təhsil alan qız naməlum şəxs tərəfindən qaçırılıb.

Məsələ ilə bağlı Daxili İşlər Nazirliyi mətbuat xidmətinin Gəncə regional qrupundan bildirilib ki, faktla bağlı Goranboy Rayon Polis Şöbəsinə müraciət daxil olub. Araşdırmalar zamanı yetkinlik yaşına çatmayan şəxsin evlənmək məqsədilə Şəmkir rayonuna getməsi məlum olub. Goranboy və Şəmkir Rayon Polis şöbələrinin əməkdaşlarının keçirdikləri tədbirlər nəticəsində şəxsin yeri müəyyən edilərək ailəsinə təhvil verilib. Faktla bağlı araşdırmalar davam etdirilir.

Xatırladaq ki, az öncə Sabirabadda azyaşlı övladını zorla ərə vermək istəyən ata həbs edilmişdi.

Bəs belə sərt tədbirlər niyə nəticə vermir? Həbs də təsirli deyilsə, nə etməli? Ölkədə azyaşlı qızları gəlin etmək kimi iyrənc ənənə niyə bitmir? Günahkar kimdir – valideyn, cəmiyyət, yoxsa dövlət?

Mövzu ilə bağlı sosioloq Lalə Mehralı "Yeni Müsavat"a danışıb:

"Əslində həbs olunduğu deyən şəxslər heç də uzun müddətli cəza almırlar. Adətən qarşı tərəf şikayətindən imtina edir, razılığa gəlirlər, hansı ki, burda qohumluq, dostluq, yerlilik prinsipləri əsas götürülür. Eləcə də bəzi səbəblər olur ki, şikayət geri götürülür. Bəzən isə həbs cəzasını pul cəzası ilə əvəzləşdirirlər. Yəni, əslində ciddi formada cəzalar tətbiq edilmir deyə bu cür hallar aradan qalxmır. Bu baxımdan hesab edirəm ki, bu məsələ ilə bağlı cəzalar sərtləşdirilməlidir.

Cərimə ilə yaxa qurtaracağını düşünən şəxs əməlindən əl çəkərmi? Əlbəttə ki, xeyr. Düşünür ki, etdiyi əməlin qarşılığında ən pis halda 1000-2000 manat cərimə ödəyəcək və bununla da yaxasını qurtaracaq.

Bu həm də digərləri üçün də pis nümunədir. İnsanlar görür ki, ciddi cəzalar yoxdur eyni addımı atırlar və atacaqlar da.

Azyaşlının qaçırılması adam oğurluğudur və bununla bağlı qanunlarımız nə deyirsə, sözsüz, qeyri-şərtsiz yerinə yetirilməldir. Əgər qanun deyirsə ki, şəxs əməlinə görə 4 il həbs cəzası çəkməlidir, deməli bu yerinə yetirilməlidir, sonradan heç bir güzəştə, pul ilə əvəzləşməyə gedilməməlidir. İnsan oğurluğu cinayətdir və bu cinayətin cəzası var bu cəza da istisnasız olaraq, heç bir ayrı-seçkilik olmadan yerinə yetirilməlidir.
Daha bir məsələ, biz bu günə qədər qızını erkən yaşda ərə verən hansısa ata və ya ananın, eləcə də oğlanın həbs olunduğunu eşitmişikmi? Şəxsən mən elə bir halla rastlaşmamışam. Sadəcə müəyyən cərimələr olur, vəssalam, hüquq mühafizə orqanlarının bununla da işi bitmiş olur".

Azərbaycan Uşaqlar Birliyinin sədri Kəmalə Ağazadə isə qeyd etdi ki, bu məsələdə maariflənməyə böyük ehtiyac var:

"Maarifçiliyin kökündə ailələr ilə görüşlər, insanların şüuruna təsir edə biləcək alətlər, vasitələr olmalıdır. Bu olmadığı təqdirdə hər zaman ciddi problemlərlə qarşılaşacağıq.

Nə qədər də ənənə qanundan üstün tutulacaq, vəziyyət belə də davam edəcək. Məsələn, əgər bir uşağın şüurunu çox kiçik yaşlardan formalaşdırırlar ki, gələcəkdə ərə getməsi üçün indidən ona cehiz yığırlar, həmin uşaq oyuncağının cehizlə əvəzlənməsini, nə zamansa ona əlinin çatmasını gözləyir.

Bu gün qanunların tətbiqetmə mexanizminin necə həyata keçiriləcəyi məlum deyil. Məsələn, sığınacağımıza yerləşdirilən azyaşlı qızın dediklərindən məlum olmuşdu ki, erkən yaşda nişanlanıb və bu nişanlılıq dövründə oğlan ona qarşı seksual hərəkətlər edib. Qanunvericilik də buna imkan verir ki, qızın ərizəsi nəticəsində biz bunu sübut etmək üçün hüquq mühafizə orqanlarına müraciət edək. Qızla birlikdə gedib, bu müraciəti etdik. Nə baş verdi? Fakt tapılmadığından müraciət rədd edildi, tədqiqat yarımçıq buraxıldı. Çünki oğlan gedib demişdi ki, bütün bunlar qızın fantaziyasıdır. Demək ki, bu problemin həlli üçün digər üsullar tapıb, həyata keçirməliyik".


Sonxeber.az
Telegramda izləyin
Maraqlı   Baxılıb: 970   Tarix: 27 aprel 2024  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

Soyuducudakı bu düymə tərəvəzin taleyini həll edir

Soyuducuda saxlanılan tərəvəzlərin tez solması və ya çürüməsi bir çox evdə qarşılaşılan problemlərdəndir. Lakin soyuducuların tərəvəz bölməsində (crisper) olan kiçik sürgülü düymə meyvə və tərəvəzlərin daha uzun müddət təzə qalmasına kömək edir. xəbər verir ki, çəkməcənin içindəki nəmlik səviyyəsin

15 noyabr
.

Hər gün soyuq duş qəbul etsəniz, nə baş verər?

Mütəmadi olaraq soyuq duş qəbul etmək insanların xəstəlik səbəbindən işə getmədikləri günlərin sayının azalması və özlərini daha yaxşı hiss etmələri ilə əlaqəli ola bilər. xarivi KİV-ə istinadən xəbər verir ki, İsveçrənin Bazel Universitetinin psixoloqu Lena Qlazer soyuq duşun insan orqanizminə təsirin

8 noyabr
.

Qocalmanı gecikdirən ən təsirli qidalar - Siyahı

Sağlam yaşlanmaq, dərinin gəncliyini qorumaq və immuniteti güclü saxlamaq hər zaman diqqət mərkəzindədir. Orqanizmin özünün istehsal etdiyi, lakin qidalar vasitəsilə də dəstəklənməli olan kükürd tərkibli sistein amin turşusu hüceyrələrin yenilənməsində mühüm rol oynayır. Hüceyrələrin qocalmasının qarşısın

13 noyabr
.

İnsan ölənə yaxın bu 4 sözü deyir - "Səni sevirəm"...

İnsan həyatının son anlarında nələr düşünür və hansı sözləri deməyə çalışır? Uzun illər ağır xəstələrlə çalışan məşhur onkoloq insanların ölümə yaxın vaxtlarda ən çox işlətdikləri dörd ifadəni açıqlayıb. xarici mediaya istinadla xəbər verir ki, tanınmış onkoloq, yazıçı və Pulitser mükafatı laureatı Siddharth

15 noyabr
.

Göbələkləri bişirməzdən əvvəl yumaq lazımdırmı?

Göbələklərin hazırlanması zamanı ən çox mübahisə doğuran məsələlərdən biri onların yuyulmasıdır. Bəzi insanlar göbələkləri suya salmağın onların dadını dəyişdirdiyini düşünür, digərləri isə bişirməzdən əvvəl mütləq yuyulmasını vacib hesab edir. Göbələklərin səthində torpaq və digər çirkləndiricilər qal

12 noyabr
.

"Alatoranlıq" serial olur

"Netflix" platforması məşhur "Alatoranlıq" franşizası əsasında animasiya serialı hazırlayacaq. Axşam.az xəbər verir ki, "Netflix" artıq serialın iki mövsümünü sifariş edib. Layihə Stefani Mayerin "Gecəyarısı günəşi" romanı əsasında çəkiləcək. Əsərdə ilk "Alatoranlıq"

10 noyabr
.

Kartof qaynadarkən 1 stəkan əlavə edin - dağılmır, qabığı öz-özünə soyulur

Mətbəxdə kartof qaynadarkən dağılmasının və ya isti qabığını soyarkən barmaqlarınızı yandırmağın qarşısını alan sadə bir üsul mövcuddur. Qaynama suyuna əlavə edilən 1 stəkan sirkə kartofun dağılmasının qarşısını alır və qabığının tək toxunuşla soyulmasını təmin edir. xəbər verir ki, kartofun tərkibindək

15 noyabr
.

Unitaza buz kubları atmağa başladılar - səbəb

Sosial şəbəkələrdə klozete buz kubları ataraq sifonu çəkməkdən ibarət qeyri-adi təmizlik üsulu sürətlə yayılır. bu üsulun detallarını təqdim edir:. Tətbiqi necə həyata keçirilir? Bir-iki stəkan buz kubunu birbaşa klozete atıb bir neçə dəqiqə gözlədikdən sonra sifonu çəkmək kifayətdir. Su ilə hərəkə

7 noyabr
.

Romantik şəxsiyyət TESTİ: Bir çiçək ideal ikinci yarınızı aşkarlayacaq

Sevgi tərzinizi kəşf etmək üçün səkkiz çiçəkdən birini seçin. Hər kəsin öz ideal partnyoru var. Bəziləri səxavətli jestlər və gözəl görüş gözləyir, bəziləri isə dinc ev mühitinə üstünlük verir. bildirir ki, bu təəccüblü dərəcədə dəqiq romantika testi, münasibətdən nə istədiyinizi və çiçək seçimləriniz

15 noyabr