Qiymətləri baha, keyfiyyəti ucuz olan TUR PAKETLƏR: Turlar necə təşkil edilir? - AÇIQLAMA

Artıq yay turizminin artıq başlayıb. Nəzərə alsaq ki, ölkəmizdə yay aylarında məzuniyyətlər olur. O zaman belə qənaətə gəlmək olar ki, hazırda turizm mövsümünün ən qaynar dövrünü yaşayırıq. Bir çox vətəndaşlar turlarla rayonlara istirahətə gedir. Amma bəzi vətəndaşlar turların həm qiymətindən, həm də keyfiyyetindən narazıdır. Bəs Azərbaycanda turlar necə təşkil edilir?

Məsələ ilə bağlı turizm eksperti Samir Dübəndi Sonxeber.az-a açıqlama verib.

O bu problem bir neçə amildən qaynaqlandığını bildirib:

"Yay aylarında həqiqətən turizm fəaliyyətləri canlanırlar, məzuniyyət dövrü olduğundan insanlar öz istirahətlərini məhz bu mövsümə uyğun planlayırlar. Qeyd etdiyiniz problem bir neçə amildən qaynaqlana bilər. Bir tərəfdən xidmətlərin keyfiyyəti və qiyməti arasında mütənasiblik bir sıra hallarda pozulur. Digər tərəfdən daha yüksək dərəcəli yerləşdirmə vasitəsi seçdikdə bəzi hallarda insanlar aşağı qiymətlər gözləyirlər və bu mümkün deyil".

Ekspert bildiirb ki, təklif edilən xidmətlərin keyfiyyətinə mütəmadi nəzarət mexanizmları düşünürəm ki zəifdir:

"İlk növbədə qeyd edim ki, biznes subyektlərin fəaliyyətinin yoxlanılması halları yalnız xüsusi hallarda baş verir. Təklif edilən xidmətlərin keyfiyyətinə mütəmadi nəzarət mexanizmları düşünürəm ki zəifdirlər. Belə halda bundan sui-istifadə edənlər müşahidə edilirlər. Digər sözlə desək, keyfiyyəti aşağı salaraq rəqabət aparmaq cəhdləri görsənirlər.

Xidmət sahəsində keyfiyyəti təmin edən amillər sırasında əsas yeri insanlar, işçilər tuturlar. Təbii ki, texniki təminat, biznesın savadlılığı, məkan və sair amillər də burada rol oynayırlar. Yalnız qonaqpərvərliyi yaradan insanlardırlar! Bunları nəzərə alaraq əminliklə demək olar ki, insan faktoru xidmət sahəsində mərkəzi mövqe tutur və əməkdaşların bilikli və bacarıqlı olmalarından son nəticədə keyfiyyətin təmin edilməsi bilavasitə asılıdır. O dur ki, mənim fikrimcə daha geniş miqyasda təlim-tədris, kfalifikasiyaların təsdiqi və sair bu kimi məsələləri həyata keçirməliyik".

Gülcahan Məmmədova

Telegramda izləyin