"O nazirin yanına getdim, mənə kömək etdi və.."

"O nazirin yanına getdim, mənə kömək etdi və.."Teleaparıcı Aytən Leylaqızı Moderator.az-ın suallarını cavablandırıb.

-Aytən xanım, bu günlərdə "Speys" televiziyasında birlikdə çalışdığınız həmkarınız Zamirə Dadaşova telekanal rəhbərliyinə məhkəmədə qalib gəldi. Yəqin ki, siz də həmkarınıza dəstək olanlar sırasında idiniz..?

-Zamirənin uğuruna onun yanında olan hər bir kəs sevindi. Mən düşünürəm ki, haqq-ədalət öz yerini tapdı. Zamirənin əgər səhv bir addımı yoxdursa, niyə də qalib gəlməsin ki? Sona kimi də gedib, öz mərdliyini göstərdi! Onu alqışlayıram. Telekanala qayıdacaq yoxsa yox onu bilmirəm. Bu artıq öz seçimi olacaq. O ki, qaldı mənim "Speys" lə əlaqələrimə.. Bu haqda ümumiyyətlə heç nə danışmaq istəmirəm! Bircə onu deyə bilərəm ki, ora illərimi həsr etdim, veriliş ərsəyə gətirdim və kimlərsə hazıra-nazır gəldilər. Həyatdır da. Həyat bumeranqdır. Yaşayıb nələr görəcəyimiz hələ qarşıdadır. Pis insanları görüb həyatdan küsmək olmaz. Həyatda çətinliyim olsa da Allah hər zaman üzümə qapı açıb. Necə ki, illər əvvəl nazirlərimizdən birinə problemimlə bağlı müraciət etdim və o da yardım əlini uzatdı. Allah ona ömür versin. Onun yaxşılığını unutmaram. İşimin düzəlməyi mənim üçün möcüzə oldu.

-Mədəniyyət telekanalında da səhv etmirəmsə aparıcılıq etmisiniz...

-Orada "Səhər çağı" verilişinə aparıcılıq edirdim. Dövlət kanalı idi, tam başqa format idi. Mən canlı verilişləri sevirəm. Ətrafımda olan dost-tanış deyir ki, Aytən, sən canlı veriliş üçün yaranmısan. Zapis verilişə də çəkiləndə elə danışıram ki, sanki canlı efirdir. Bu da işimi sevməyimdən irəli gəlir. Əslində özümü heç vaxt şou sahəsində görməmişəm. Düzdür, dostlarımız var, çörək kəsmişik, salamlaşıb görüşürük, amma şou-biznesdən kənaram.

-Niyə hələ də efirlərdə sizi aparıcı kimi görmürük?

-Sözün düzü başım bir az qarışıqdır. Vaxt gələr səbəbini də deyərəm. Bir neçə telekanaldan dəvət gəldi, sadəcə olaraq özümü orada görmədim. Hiss etdim ki, o verilişlərin ömrü qısa olacaq. Həmin insanlara dostcasına yox dedim. Nə vaxtsa efirə qayıtsam uzunömürlü bir layihə ilə qayıdaram. Düzdür, efir məkanında savadlı aparıcılarımız da var. Amma aparıcıların 80 faizinin üzünə şans gülüb. Elə aparıcılar var ki, onları vaxtilə televiziyaya adi işçi kimi işə düzətmişəm, amma həyat üzlərinə gülüb və aparıcı olublar. Bəlkə də onların savadını araşdırsanız heç savadları belə yoxdur. Mənim yaxşılığımı itirənlər çox olub. Elələri var ki, onları tanış edib, ailə həyatı qurmaqlarına da səbəb olmuşam, amma sonradan onlardan özümə layiq olmayan münasibəti görmüşəm. Əslində bunları demək istəmirdim, sadəcə məcbur oldum. Bu münasibətimin qarşılığı belə olmalı deyildi.

-Tək şans deyil.. Əlbəttə ki, əksər hallarda tapşırıq və sevgili də rol oynayır.

-Bir insanı nə qədər tapşırmaq olar axı?! O insanın içində heç nə yoxdursa.. Zatən get-gedə ələnəcək. Tanınmaq başqadır, sevilmək başqa! Mən istəmirəm bütün Azərbaycan məni tanıyıb mənfi rəylər yazsınlar. Məni 10-15 insan istəsin, amma sevərək istəsin, xoş sözlər yazsınlar. Heç kimlə qalmaqalım olmayıb, açıq-saçıq danışmamışam, gündəmi zəbt edəcək açıqlamalarım olmayıb. Bunu edə bilmərəm, özümə görə çərçivələrim var. Öz mərdliyimi də, haqlı olduğum tərəflərimi də çox sevirəm. Heç vaxt yaltaq olmamışam, heç kimə quyu qazmamışam. Hər kəsə dəstək olmağa çalışmışam. Bəlkə də Allah məni özü kənara çəkib ki, kimin kim olduğunu yaxşı bilim. Ona görə də özümlə fəxr edirəm.

-"Xəzər dairəsi" verilişində efirə çıxıb, əri tərəfindən atılan qadına dəstək olmağınızı çox qınadılar ki, gərək aşkarda yox, gizlində bu yardımı edərdi..

-Qadın əri tərəfindən atılmışdı, qucağında da çiləsi çıxmayan uşağı var idi. Qadın çox çarəsiz idi, həmişə də çarəsizlərin, zəiflərin yanında olmaq istəmişəm. Vəkil Şəfiqə xanıma qarşı bir az aqressivləşib verilişə zəng edib dedim ki, ona deyin xanımın üstünə çox getməsin. Mənə təklif etdilər ki, bəlkə verilişə gələsən? Dedim ki, xeyr, pulu verib gedəcəm, verilişə çıxmaq istəmirəm. Lalə xanım Azərtaş dedi ki, xeyr, gəlib pulu canlı efirdə təqdim etsin. Utana-utana gəlib pulu həmin xanıma təqdim etdim. Bir az Şəfiqə xanımla sözüm çəp gəldi. 2-3 efirdən sonra gedib könlünü aldım. Burdan dostlarıma da demək istəyirəm ki, sağ olsunlar ki, o qadına kömək etməkdə mənə yardımçı oldular.

-Həyatınızın dönüş nöqtəsi nə vaxt olub?

-Anamı 2012-ci ildə itirmişəm. Cəmi 26 yaşım var idi. Televiziyadakı dostlarım o illərdə mənə dəstək oldular. Amma bu qəlbimdə bir yaradır, köz də bağlasa sağalmır. Evin üçüncü övladı olmuşam, hər yerə də onunla getmişəm. Qəfil bildik ki, xəstədir, 1 ilin içində dünyasını dəyişdi. Allah heç bir kəsi valideynləri ilə sınağa çəkməsin. O illərdə yaşadığım travma indi də mənimlədir. Anamı itirdiyim gündən sonra böyüməyə başladım. Anamın adını televiziyada özümə təxəllüs götürmüşəm. Bəzən rəylərdə müzakirələr təxəllüsümlə bağlı olur. Bizim izləyicilər səbəbi bilmədən fikir bildirməyi çox sevirlər. Bir araşdırın, görün ki, bu qız niyə o adı götürüb?! Şərhlər məni o qədər məyus edir ki, bəlkə də buna görə müsahibələrdən qaçıram. Elə məqamlar olub ki, həyatdan küsmüşəm, incimişəm. Bitdi dediyim yerdə yenidən başlamışam. Quyunun dibinə düşmüşəm, özüm-özümü ordan qaldırmışam. İşsizlik əlbəttə ki, məni sıxır, depressiyaya salır, küsürəm, inciyirəm, özümə qapanıram. Hazırda tədbirlərə, toylara aparıcı qismində dəvət alıram, amma televiziyanın yeri mənim üçün başqadır. Az əməkhaqqı alsaq da televiziyanı sevirəm. Televiziyanın spesifik qoxusu var, onu yalnız orada çalışan insanlar bilir.


Sonxeber.az Telegramda izləyin instagramda izləyin
  Baxılıb: 1991   Tarix: 24 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Namizəd olan keşiş Nikolun evinə hücum etdi - İrəvanda nə baş verir?

Baqrat Qalstyanın rəhbərlik etdiyi hərəkatın gözlənilən mitinqinə cəmi 23 min iştirakçı toplanıb. Bu, hakimiyyəti devirmək üçün yetərli olmayacaq. Müxalifətin prosesin "qartopu effektiv" yaradacağına dair ümidlərinin perspektivi də zəifdir. - Hərəkata kilsə rəhbərlik etsə də, erməni ictimaiyyət

27 may
.

Altı dəfə eyni əmələ görə həbs olunan şəxs yenə tutuldu - FOTO

Balakən Rayon Polis Şöbəsinin əməkdaşları tərəfindən narkotik tərkibli bitkilərin kultivasiyası və narkotik vasitələrin qanunsuz dövriyyəsi ilə məşğul olan şəxslərə qarşı əməliyyatlar həyata keçirilib. Daxili İşlər Nazirliyinin Mətbuat Xidmətinin Şəki regional qrupundan -a verilən məlumata görə, tədbirlərl

30 may
.

Moskvada sözə baxmayan uşaqlar üçün qəbirlər qoyuldu

Rusiyanın paytaxtında parklardan birində "tərbiyə" üsulu görənlərə şok yaşadıb. Belə ki, uşaqların pis davranışlarının qarşısını almaq üçün məzar daşları şəklində xəbərdarlıqlar qoyulub. Məlumata görə, "tərbiyəvi" məzar daşları "Skazka" adlı özəl parkda peyda olub. Bununl

30 may
.

"İnternet əzizi", "Allahın fenomeni" - 15 yaşında ölən gənc "əziz" OLACAQ

Roma Papası "İnternet müqəddəsi" və "Allahın fenomeni" kimi tanınan italyan gənc Karlo Akutisin əziz olmasını təsdiqləyib. xarici mənbəyə istinadən xəbər verir ki, Roma Katolik Kilsəsi əziz elanı üçün 2 möcüzənin gerçəklədirilməsini tələb edir. 15 yaşında dünyasını dəyişən Karlo Akuti

24 may
.

Dişi ceyranı nəvazişlə yedirdən erkək ceyran - Sosial şəbəkədə bu video TREND OLDU

Bəzən vəhşi təbiətdə elə hadisələr baş verir ki, "heyvanların şüuru olmur" iddiasına şübhə ilə yanaşmalı oluruq. İki ceyranın kadrları bu şübhələri daha da artırır. Erkək ceyranın dişi ceyranın bəyəndiyi budağı əyərək onu bəslədiyi anların görüntüsü sosial mediada gündəm olub. sosial şəbəkələrd

24 may
.

UEFA Albaniya millisini cəzalandırdı

UEFA Albaniya milli komandasını cərimələyib. Məlumata görə, ali futbol qurumu Avropa çempionatının qrup mərhələsinin birinci turunda İtaliya ilə matçda alban azarkeşlərin qeyri-etik davranışlarına görə yığmaya pul cəzası tətbiq edib. Ümumilikdə, meydançaya yad əşyalar atması, pirotexniki vasitələrdə

19 iyun
.

Ermənistanda vətəndaş itaətsizliyi aksiyası başlayıb

Ermənistanda arxiyepiskop Baqrat Qalstanyanın çağırışı ilə vətəndaş itaətsizliyi aksiyaları davam edir. Artıq səhər saatlarında İrəvanın mərkəzində polislə aksiya iştirakçıları arasında toqquşma baş verib. Ermənistan hüquq-mühafizə orqanlarından verilən məlumata görə, polisə müqavimət göstərən 67 nümayişç

27 may
.

Dünyada qadağan olunmuş 10 KİTAB

Dünyada müxtəlif səbəblərə görə qadağan olunmuş kitablar mövcuddur. Bu kitabların bəziləri siyasi, dini və ya əxlaqi səbəblərlə qadağan olunub. dünyada qadağan olunmuş 10 məşhur kitabın siyahısını təqdim edir: . 1."Cəsur Yeni Dünya" - Aldous Huxley. 1932-ci ildə nəşr olunan bu kitab İrlandiyad

24 may
.

Neft quyularının üzərində tikilən evlər söküləcək? - VİDEO

Bu ərazi neft quyularının çox olduğu bir ərazidir. Burada bir neçə neft quyusunun istismar müddəti dayandırılıb. O da məlumdur ki, belə ərazilərin yaxınlığında yaşayış evləri olmamalıdır. Əfsuslar olsun ki, nəinki yaxınlığında, neft quyularının yarım metr məsafəsində fərdi yaşayış evləri tikilib. Vətəndaşla

29 may