5 ulduzlu hotellərdə qiymətlər qalxdı: Bəs keyfiyyət? - AÇIQLAMA

5 ulduzlu hotellərdə qiymətlər qalxdı: Bəs keyfiyyət? - AÇIQLAMAAzərbaycanda 5 ulduzlu hotellərdə xidmət qiymətləri durmadan qalxır. Qiymətlər qalxsa da, təklif edilən xidmətlərin səviyyəsi barədə eyni fikri səsləndirmək təəssüf ki, mümkün deyil.

Dövlət Turizm Agentliyinin hesabatına əsasən, cari ilin dörd ayı üzrə Azərbaycanın şəhər və rayonlarındakı 5 ulduzlu hotellərdə bir gecə qalmaq üçün orta qiymət 225 manat təşkil edib. Bu rəqəm ötən ilin eyni dövrü ilə müqayisədə 21,6 % çoxdur. Qubada 5 ulduzlu hotellərdə standart otaqların qiyməti bir günlük gecələmək üçün 269 manat təşkil edir. Bir günlük gecələmək üçün Naftalanda 5 ulduzlu hotellərdə standart otaqların qiyməti 247 manat, Bakıda 237 manat, Qəbələdə 206 manat, Lənkəranda isə 170 manatdır.

İnsanlar düşünür ki, bu qiymətlər keyfiyyət və kəmiyyət məsələsinə görə heç də balanslaşdırılmır, üstəlik, hər kəsin büdcəsinə də uyğun gəlmir. Bəs qiymətlərin qalxması nə ilə əlaqədardır? 5 ulduzlu hotellərdəki xidmət səviyyəsi ödənilən məbləğə dəyirmi?

Mövzu ilə əlaqədar Azərbaycan Hotellər və Restoranlar Assosiasiyasının İdarə Heyətinin sədri, Azərbaycan Ekoturizm Assosiasiyasının İcraçı direktoru Samir Dübəndi Oxu.Az açıqlamasında bildirib ki, əslində, yalnız ortalama qiymət göstəriciləri əsasında dolğun analiz etmək mümkün deyil:

"Vəziyyəti daha ətraflı anlamaq üçün hotelçilik biznesində qəbul edilmiş ADR (günlük ortalama qiymət), RevPAR (mövcud otaqların gəliri) kimi iqtisadi göstəricilər də vacibdir. Booking.com bu gün ən irimiqyaslı və qabaqcıl satış kanalı hesab edilir. Qiymətlərdən danışarkan, bu kontekstdə, booking.com tərəfindən tətbiq edilən komissiyaları da qeyd etmək zəruridir. Satış qiymətindən hotellər birmənalı olaraq 20-30℅ itirirlər. Hərtərəfli analiz üçün booking.com-la yanaşı Expedia, Airbnb, Ostrovok kimi aqreqatorların da göstəriciləri, səyahət agentliklərinin satdıqları yerləşdirmə xidmətlərinin həcmi və digər göstəricilərin də nəzərə alınması zəruridir. Yanvar-aprel aylarında 5 ulduzlu mehmanxanaların qeyd edilmiş ortalama qiymət göstəriciləri düşünürəm ki, bu kateqoriya hotellər üçün yüksək deyil, bu, təxminən 132 dollar təşkil edir. Qonşu turizm bazarları ilə müqayisə etsək görərik ki, həqiqətən bu qiymətlər rəqib bazarların qiymətlərindən fərqlənmir, bir sıra hallarda isə aşağıdırlar.

O ki qaldı qiymət və keyfiyyət arasında olan mütənasibliyin pozulmasına, belə hallar, həqiqətən sənayedə mövcuddur. Bəzi müəssisələr hətta göstərdikləri xidmətlərin keyfiyyətini azaldaraq daha aşağı qiymətlər təklif etməyə cəhd edirlər. Bu yolverilməzdir və biznes mədəniyyətinin pozulmasıdır. Qeyd etmək istərdim ki, ölkəmiz heç vaxt ucuzlu turizm destinasiyası kimi nümayiş olunmayıb. Qiymətlər bir ara qonşu turizm bazarları ilə müqayisədə yüksək olub. Hazırda vəziyyət demək olar ki əksinədir. Yada salmaq istərdim ki, hər bir mehmanxana kateqoriyasına uyğun komfort dərəcəsi və qiymətlər təklif edilməlidir. Heç kəs 5 ulduzlu hoteldən 3 ulduzlu hotelin və yaxud qonaq evinin qiymətlərini gözləməməlidir. Bu yanlışdır".

S.Dübəndi onu da əlavə edib ki, aşağı kateqoriyalı mehmanxanalarda keyfiyyət, komfort, xidmət və texniki standartların pozulması daha geniş miqyasda müşahidə edilir:

"Mehmanxana biznesində, xüsusilə də bu iqtisadi seqmentin kiçik və orta biznes sukyektləri arasında rəqabətin artması, təklif və tələbin düzgün formalaşması ilə yanaşı qiymətlərin də tənzimlənməsi baş verəcək. Bu proseslərin isə səmərəli və daha sürətlə həyata keçirilməsi üçün mehmanxana biznesi və ümumilikdə turizm sahəsinin məharətlə və düzgün tənzimlənməsi tələb edilir".


Sonxeber.az
Telegramda izləyin
Maraqlı   Baxılıb: 821   Tarix: 26 may 2024  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Hamı zibilə atır - Saç tökülməsinin və ağarmasının qarşısını alır

Fəsil dəyişikliyi və stress səbəbindən artan saç tökülməsinə qarşı bahalı kosmetik məhsullar əvəzinə mətbəxdəki təbii vasitələr həll yolu təqdim edir. Qidalandırıcı yağlar ehtiva edən bu üsul saç diblərini qısa müddətdə gücləndirərək tökülməni azaldır. xəbər verir ki, əksər hallarda zibil kimi atıla

14 noyabr
.

Uşaqlar niyə kitab oxumaqdan uzaqlaşır? - Psixoloq səbəbləri açıqladı

Müasir dövrdə uşaqlar saatlarla telefon və planşet qarşısında vaxt keçirsələr də, kitab oxumağa gəldikdə tez darıxırlar. Mütəxəssislər bunun əsas səbəblərindən biri kimi rəqəmsal oyunların və qısa videoların daha sürətli əyləncə təqdim etməsini göstərirlər. xəbər verir ki, bu barədə Türkiyənin TRT Habe

18 noyabr
.

"Powerbank"dakı gizli düymə nə üçündür?

Smartfonların enerjisini istənilən yerdə doldurmağa imkan verən portativ enerji cihazları gündəlik həyatımızın ayrılmaz hissəsinə çevrilib. Lakin powerbank istifadəçilərinin çoxu cihazın üzərindəki kiçik düymənin əslində hansı funksiyaları yerinə yetirdiyini bilmir. xarici mediaya istinadla xəbər veri

15 noyabr
.

İnsan ölənə yaxın bu 4 sözü deyir - "Səni sevirəm"...

İnsan həyatının son anlarında nələr düşünür və hansı sözləri deməyə çalışır? Uzun illər ağır xəstələrlə çalışan məşhur onkoloq insanların ölümə yaxın vaxtlarda ən çox işlətdikləri dörd ifadəni açıqlayıb. xarici mediaya istinadla xəbər verir ki, tanınmış onkoloq, yazıçı və Pulitser mükafatı laureatı Siddharth

15 noyabr
.

Pomidoru soyuducuda saxlamayın

Təzə pomidorları soyuducuda saxlamaq onların dadına, ətrinə və quruluşuna mənfi təsir göstərə bilər. Mütəxəssislərin fikrincə, pomidorları otaq temperaturunda saxlamaq daha məqsədəuyğundur. xarici mediaya istinadən xəbər verir ki, meyvə, tərəvəz və göyərtiləri aldıqdan dərhal sonra soyuducuya yerləşdirmə

14 noyabr
.

Sürücülər payızda avtomobilə niyə sabun parçası qoyurlar? - İnanılmaz SƏBƏB

Adi bir sabun parçası payız aylarında sürücülərin köməyinə çata bilər. Yağışların artması, havanın rütubətlənməsi və temperaturun tez-tez dəyişməsi avtomobil sahibləri üçün əlavə çətinliklər yaradır. Belə hallarda sadə məişət vasitələri də faydalı ola bilər. Məhz buna görə bəzi təcrübəli sürücülər avtomobili

15 noyabr
.

Kərə yağını kimlər yeməməlidir? - Sağlamlıq problemi olanlar üçün vacib xəbərdarlıq

Kərə yağı gündəlik qidalanmada geniş istifadə olunsa da, hər kəs üçün eyni dərəcədə uyğun deyil. Süd zülalına allergiyası, yüksək xolesterini və ürək-damar xəstəlikləri olan şəxslər bu məhsulun istifadəsinə xüsusi diqqət yetirməlidirlər. Kərə yağında doymuş yağların miqdarı yüksəkdir. Onların həddində

14 noyabr
.

Uşaq niyə heç bir səbəb olmadan ağlamağa başlayır?

Bəzən uşaqlar heç bir aydın səbəb olmadan qəfil ağlamağa başlayırlar. Bir neçə dəqiqə əvvəl gülən, oynayan və özünü yaxşı hiss edən uşaq birdən narahat olur, sakitləşmək istəmir və valideynlərinin bütün cəhdlərinə baxmayaraq ağlamağa davam edir. Belə vəziyyətlər xüsusilə gənc valideynlərdə narahatlı

15 noyabr
.

Mətbəxlərdə mərmər dövrü bitdi: Yeni sistem gəldi

İllərdir lüksün simvolu olan mərmər mətbəx dəzgahları cızılma, ləkə və qulluq problemlərinə qarşı daha davamlı olan farfor, sinterlənmiş daş və kvars kimi yeni nəsil alternativlərlə əvəz olunur. xəbər verir ki, təbii damarlı və şık görünüşə malik mərmər məsaməli quruluşu səbəbindən limon, qəhvə və ya

14 noyabr
.


vipemlak.az