Dolların üstünə şəkli vurulan çətənə niyə "düşmən" elan edildi?

1914-cü ilə aid ABŞ dollarının üzərində indi narkotik bitki hesab olunan çətənə şəklinin olduğunu bilirdiniz?

Birinci Dünya Müharibəsi illəri və Amerika dollarında "Çətənə" becərən fermerlər təsvir olunub. Öncələr həyat mənbəyi sayılan bu bitki nə üçün sonralar "düşmənə" çevrildi?

Lent.az çətənə bitkisinin sənaye əhəmiyyəti barədə maraqlı faktları təqdim edir.

Bir hektar çətənə 25 hektar meşə qədər oksigen istehsal edir.

Bir hektar çətənədən 4 hektar ağacın verdiyi qədər kağız almaq olur. Çətənə 4 aya, ağac isə 20-50 ilə böyüyür. Çətənə əsl radiasiya təmizləyicisidir. Çətənə dünyanın istənilən yerində yetişdirilə bilər və çox az su tələb edir. Bundan əlavə, özünü həşəratlardan qoruya bildiyi üçün pestisidlərə ehtiyac duymur. Çətənə ilə hazırlanan tekstil məhsulları geniş yayılarsa, pestisid sənayesi tamamilə yox ola bilər.

İlk cins şalvarlar çətənədən hazırlanırdı; Əslində "KANVAS" sözü çətənə məhsullarına verilən addır.

Çətənə həm də kəndir, çanta, ayaqqabı və papaq hazırlamaq üçün ideal bitkidir. O, QİÇS və xərçəngin müalicəsində kemoterapi və radiasiyanın təsirini azaldır; Revmatizm, ürək, epilepsiya, astma, mədə, yuxusuzluq, psixologiya və onurğa xəstəlikləri kimi ən az 250 xəstəliyin müalicəsində ondan hazırlanan dərmanlardan edilir.

Çətənə toxumu çox yüksək protein dəyərinə malikdir və tərkibindəki iki yağ turşusu təbiətin başqa heç bir yerində yoxdur. Çətənə ilə qidalanan heyvanların süd vermək üçün hormon əlavələrinə ehtiyacı yoxdur. Bütün plastik məhsullar çətənədən hazırlana bilər və çətənə plastikini təbiətə təkrar emal etmək çox asandır.

Avtomobilin kuzovu çətənədən hazırlanarsa, onun davamlılığı poladdan 10 dəfə çox olacaq. Binaların izolyasiyası üçün də istifadə edilə bilər; Davamlı, ucuz və elastikdir. Çətənə ilə hazırlanan sabunlar və kosmetik məhsullar suyu çirkləndirmir; Başqa sözlə desək, təbiətə tam uyğundur.

18-ci əsrdə Amerikada çətənə istehsalı məcburi idi və istehsal etməyən fermerlər həbs edildi. Amma indi vəziyyət tam əksinədir.

Hirst adlı konqresmen 1900-cü illərdə Amerikada qəzet, jurnal və medianın sahibi olub. Meşələri var idi və kağız istehsal edirdi.

Əgər çətənə kağıza çevrilsəydi, milyonlarla pul itirə bilərdi.

Rokfeller dünyanın ən zəngin adamı idi. Neft şirkəti var idi. Bioyanacaq olan çətənə yağı, əlbəttə ki, onun ən böyük düşməni idi.

Mellon Dupont şirkətinin əsas səhmdarı idi və neft məhsullarından plastik istehsal etmək üçün patentə sahib idi. Çətənə sənayesi onun bazarını təhdid edirdi.

Daha sonra Mellon ABŞ prezidenti Huverin xəzinə naziri oldu. Birgə müşavirədə qərara gəldilər ki, çətənə qazanca "düşmən"dir. Və onu aradan qaldırdılar. Onlar media vasitəsilə çətənəni marixuana sözü ilə birlikdə insanların beyninə zəhərli dərman kimi həkk etdilər.

Çətənə dərmanları bazardan çıxarıldı və bu gün istifadə edilən sintetik preparatlarla əvəz olundu. Nəticədə
meşələr kağız istehsalı üçün məhv edildi, pestisidlərlə zəhərlənmə və xərçəng xəstəliyi artdı, dünyamızı plastik zibil və zərərli tullantılarla doldurduq.

Bıçaq da soyuq silahdır. Onunla çörək də kəsmək olar, insanı da. Amma heç kəs bıçağı qadağan eləməyib elə deyilmi?

Telegramda izləyin