İpoteka ilə təmirli mənzil alanları ALDADIRLAR? - VİDEO

Evlənmək və ailə sahibi ola bilmək üçün ilk növbədə evin olmalıdır. Bakıda isə bu iş əksəriyyət üçün ipotekasız olmur. Necə deyərlər: bir ömür boyu xoşbəxt ola bilmək üçün, bir ömür boyu kredit götürürük. Əksər hallarda MTK-larda ipoteka krediti ilə alınan mənzillərdə sürpriz problemlər ortaya çıxır. Belə hallara sosial şəbəkələrdə vətəndaşlar tərəfindən edilən paylaşımlarda rast gəlinir.

Sonxeber.az xəbər verir ki, məsələ ilə bağlı tikinti üzrə ekspert Muxtar Ərturan"Xəbər Ertəsi"nə açıqlama verib. O deyib ki, son illərdə tikilən və alıcılara ipoteka krediti ilə təmirli mənzil adı altında satılan evlərin elektrik cihazlarından başlayaraq az qala tavanına qədər hər bir hissədə nöqsanlar özünü göstərir:

"Hazır təmirli ipoteka ilə satılan mənzillər özlərinin arxasında bir sıra problemlər yaradır. Yəni əksər mənzillərin təmiri yararsızdır. İlkin baxışda insanlar bunu qəbul edir. Amma yaşayış olduqda başa düşürlər ki, bunun ümumi sistemində təmirlər standartlara cavab vermir".

Ekspertin sözlərinə görə, təmirli mənzil adı altında ev alan şəxslər sonradan orada yaşamaq üçün 15-25 min manat vəsait xərcləməli olur. Əksər hallarda mülkiyyətçinin pozulan hüquqları bərpa edilmir.

Ətraflı "Xəbər Ertəsi"nin süjetində:

Telegramda izləyin