Məşhur bloqerin cəsədi paytaxtda YANDIRILACAQ

"MotoTanya" kimi tanınan vəfat etmiş bloqer Tatyana Ozolinanın cənazəsi bu bazar, iyulun 28-də Moskvada yandırılacaq.

"Ölkə.az" xəbər verir ki, bu barədə "Omsk News" "Telegram" kanalı onun atasına istinadla məlumat yayıb.

"Baykerlər zal icarəyə götürməyi planlaşdırırlar, hələlik dəqiq harada məlum deyil. Tanya ilə vidalaşmaq istəyirlər. Onun əri Stas hər şeyi təşkil edir. Oğlum da (Tanyanın qardaşı) nəqliyyatda köməklik etmək üçün Türkiyəyə uçmuşdu. Bazar günü vida olacaq", - deyə qızın atası bildirib.

Onun sözlərinə görə, "MotoTani"nin dəfn mərasimi kiçik vətənində - Tarada keçiriləcək.

Ozolinanın ölümü ilə nəticələnən qəza Türkiyənin Seke və Milas şəhərləri arasındakı avtomobil yolunun Sarıçay kəndi yaxınlığında baş verib. Türk bloqer Onur Obutun motosikleti arxadan baykerin motosikletinə çırpılıb. Zərbənin təsirindən motosiklet aşaraq qadını 26 metr hündürdən atıb. Qəza zamanı onun dəbilqəsi yerə düşüb.

Qəza ilə bağlı cinayət işi açılıb. Türk baykeri yerli qanunlara görə, 6 il həbs cəzası gözləyir. Tibbi ekspertiza onun qəza zamanı ayıq olduğunu göstərib.(Publika.az)

Telegramda izləyin