Səfirliyimiz bərpa olundu: Bəs Zəngəzur dəhlizi nə vaxt açılacaq? - ŞƏRH

İyulun 15-də Azərbaycanla İran arasında aparılmış danışıqlar nəticəsində Azərbaycanın bu ölkədəki səfirliyi yeni ünvanda fəaliyyətini bərpa edib. Eyni zamanda Azərbaycan Baş naziri Əli Əsədovun rəhbərlik etdiyi nümayəndə heyəti fəaliyyəti Tehranda Azərbaycanın İrandakı səfirliyini ziyarət edib.

Göründüyü kimi, iki ölkə arasında münasibətlər müsbət istiqamətdə irəliləyir. Lakin buna baxmayaraq, Zəngəzur dəhlizi məsələsində İran tərəfi adekvat bir mövqe qoya bimir. Seyid Əli Xamenei deyib ki, Zəngəzur dəhlizi Ermənistana ziyan vurur və bu mövqedə İran möhkəm dayanır. Bundan sonra Azərbaycan-İran münasibətlərini nə gözləyir?

Mövzunu Sonxeber.az-a şərh edən politoloq Tural İsmayılov deyib ki, Azərbaycan-İran münasibətlərində xüsusilə səfirliyimizin yeni ünvanda başlamağından sonra təbii ki, yeni bir mərhələnin başlanğıcı qoyulub:
"Həm Azərbaycan, həm də İrandan verilən pozitiv açıqlamalar iki ölkə münasibətlərinin bundan sonra müsbət və yüksələn xətlə davam edəcəyini söyləməyə əsas verir. Nəzərə almaq lazımdır ki, Məsud Pezeşkian prezidenti seçildikdən sonra cənab İlham Əliyev onunla danışıqlar aparıb. Dövlət başçısı İran prezidentini ölkəmizə səfərə dəvət edib. Eyni zamanda bilirik ki, İran Azərbaycan münasibətlərində yaranan problemin kökündə Azərbaycan yox, İranın bölgəyə yanaşması dayanır. Bütün bunlar ilə yanaşı İranın içərisindəki bəlli dairələr Azərbaycan ilə münasibətlər ilə bağlı konkret addımlar ata bilmirlər. Verdikləri açıqlamalar, ortaya qoyduqları mövqelər Azərbaycanla münasibətlərin zədələnməsinə səbəb olur. İranın Ermənistandakı səfiri bölgə, Azərbaycan-Ermənistan münasibətləri ilə bağlı çox qəbuledilməz, adekvat olmayan münasibətini müşahidə edirik. Amma istənilən halda hesab etmək olar ki, Azərbaycan-İran münasibətlərində yaxşı bir tendensiyanın başlanğıcı qoyulub. İranın Zəngəzur dəhlizi məsələsindəki anlaşılmaz mövqeyi gələ də davam edir. Zəngəzur dəhlizi hansısa bir formada İranın maraqlarını təhdid etməməlidir. Düşünürəm ki, İran burada prosesə obyektiv mövqedən yanaşmır. Daha çox ideoloji və məzhəbçi baxışla prosesi əngəlləməyə çalışır. İranin Zəngəzur dəhlizi məsələsində Ermənistanı qızışdırmağı və prosesin qarşısını almağı təəssüfləndirici məqamdır".

Telegramda izləyin