DİQQƏTLİ OLUN: Saç boyasından adamın üzü görün nə hala DÜŞDÜ - FOTOLAR

İngiltərədə yaşayan 27 yaşlı Rayan Briqqs saçlarını boyadıqdan sonra şok yaşayıb.

Sonxeber.az xarici mənbəyə istinadən xəbər verir ki, anasının aldığı qara saç boyasını dərisində yoxlamadan istifadə edən Rayan ertəsi gün oyanıb və fərqli mənzərə ilə qarşılaşıb. O, güzgüdə özünü tanıya bilməyib:

"Səhər oyananda gözlərimə inana bilmədim. Başım o qədər şişmişdi ki, cizgi filmi qəhrəmanı kimi görünürdüm. Həqiqətən çox qorxunc bir vəziyyətə düşmüşəm".

İşdə üzünün getdikcə şişdiyini görən gənc vəziyyətin ciddiliyini anlayıb. Xəstəxanaya yerləşdirilən Rayana saç boyalarında tez-tez rast gəlinən parafenilendiamin (PPD) maddəsinə qarşı allergik reaksiya diaqnozu qoyublar.

Şişkinliyin boyun və nəfəs borusuna keçmə riski səbəbilə 13 saat xəstəxanada qalan Rayan 5 gün ərzində gündə 25 tablet istifadə etməli olub. Bu hadisə saç boyasından istifadə edərkən əvvəlcədən dəridə yoxlama aparılmasının nə qədər vacib olduğunu bir daha göstərdi. Rayanın vəziyyəti zamanla yaxşılaşıb:

"Saçlarınıza boya tətbiq etməzdən əvvəl dərinizdə yoxlayın. Mənim başıma gələnlər daha pis nəticələnə bilərdi. Şişkinlik boynuma qədər gedirdi və nəfəs almağıma mane ola bilərdi. İndi baş dərimdə sarı və yaşıl kəpəklər var, amma üzüm normala qayıdır" " -deyə, Rayan hər kəsi xəbərdarlıq edib.

Telegramda izləyin