Ətrafdakı insanların fikirləri niyə önəmlidir ? - PSİXOLOQDAN AÇIQLAMA

Həyatımız boyu çoxlu insan tanıyırıq. Tanıdığımız insanlar çevrəmizi yaradır. Bəziləri ilə ünsiyyətimiz pozulur, bəziləri ilə dostlaşırıq. Amma bütün hallarda çevrəmizdəki hər bir insan müəyyən qədər həyatımıza mənfi və ya müsbət mənada təsir edir. Çox təəssüf ki, həyatımıza mənfi təsir edənləri daha çox önəmsəyirik.

Bəs görəsən niyə ətrafımızdakı insanların həyatımıza mənfi təsir etməsinə icazə veririk?

Mövzu ilə bağlı Sonxeber.az -a açıqlama verən psixoloq Aytən Ələkbərova bildirib ki, mühitin insana təsiri və eyni zamanda insanın mühitə təsiri onun fərdi xüsusiyyətlərindən, psixoloji durumundan asılıdır.:

"Bir qrup insanlar var ki, mühiti idarə edir bir qrup insan da var ki, mühit onu idarə edir. Mühiti idarə edən insanlar düşdükləri mühitdən aslı olmayaraq dərhal toplumu ələ alır və o toplumun içərisində özünə sevgi qazanır. Bu sevgi eyni zamanda mühit içərisində həmin insanı pozitiv enerjili, maraqlı fikir və düşüncə sahibi olaraq tanıdır. Mühitin təsir etdiyi insanlarda isə empatiya hissi güclüdür. Bəzən bəzi insanlar çox şən bir abu-havada olsalar da düşdükləri mühitdə baş verən hər şey onların əhvalına və psixologiyasına təsir edir. Bu zaman onlar artıq təbii olaraq topluma uyğun addım atırlar. Bəzən baxırsan ki, çox sərbəst, müstəqil böyüyən gənc qız mühavizəkar bir ailənin oğlu ilə evlənir. Ailə mühavizəkar olduğundan çox şeyə qadağa edirlər. İstər-istəməz bu ailəyə düşən gənc qız da ailənin mühitinə uyğun davranaraq get-gedə xasiyyətlərini dəyişir. Bu da müxtəlif ənənəvi düşüncələrdən irəli gəlir. Məsələn "Ailə bir dəfə qurular", "Ailə möhkəm olmalıdır", "Övladım atasının yanında böyüməlidir", "Düşdüyüm ailədə qayda-qanun bu cürdür və mən bu qanunlara uyğun olaraq addımlar atmalıyam" kimi düşüncələr. Bu baxımdan da biz deyə bilərik ki, bəli mühitin insanlara təsir mexanimzi var, insanların da mühitə. Eyni situasiyada evləndiyi oğlanın ailəsi ilə razılaşmayan qızlar da az deyil. Burda da artıq dava-dalaşlar başlayır. Evliliklə bağlı müzakirə olunası mövzular ortaya çıxır. Deməli bir insana mühitin təsiri və eyni zamanda onun mühitə təsiri insanların fərdi xüsusiyyətlərindən, psixoloji durumlarından bir başa asılıdır".

Çiçək Sadatova

Telegramda izləyin