Donuzlar şəhər mərkəzinə çıxdılar

Muğlanın Marmaris rayonunda ac olan çöl donuzları yemək tapmaq üçün şəhər mərkəzinə gedib. Həmin anlar vətəndaşlar tərəfindən mobil telefon kamerası ilə lentə alınıb.

Sonxeber.az türk mediasına istinadən xəbər verir ki, Türkiyənin önəmli turizm mərkəzlərindən biri olan Marmarisdə axşam saatlarında ac olduqları üçün şəhər mərkəzinə gələn çöl donuzu sürüsü ara küçələrdəki bağlara girərək yemək axtarıb.

Rayon mərkəzinin əsas prospekt və küçələrində dolaşan donuzlar vətəndaşlar tərəfindən mobil telefon kamerası ilə lentə alınıb. Kifayət qədər çox olan çöl donuzları bir müddət küçələrdə yemək axtarıb, sonra meşəlik əraziyə doğru yol alıb və gözdən itiblər. Bu arada məhəllə sakinləri çölə çıxa bilməyiblər.

Telegramda izləyin