Metroda dava düşdü

İstanbulda metroda dava düşüb. Hadisə məhkəməyə çıxarılıb və maraqlı qərarla nəticələnib.

Beylikdüzüdəki evinə getmək üçün metroya minən universitet tələbəsi Damla K. (22) tanımadığı bir qadının diqqətli baxışlarını görüb. Bir müddət sonra göz təması qurduğu bu qadın əlindəki buzlu su qabı ilə Damla K.-nin başına vurub.

Sonxeber.az türk mediasına istinadən xəbər verir ki, hücum nəticəsində Damla K.-nin qaşı partlayıb və qan içində qalıb. Damla K. ona hücum edən Tuğba G.-dən şikayətçi olub. Araşdırma zamanı şübhəli Tuğba G.-nin cinayət qeydində "narkotik istifadəsi" cinayətinin olduğu üzə çıxıb.

İstanbul Anadolu Baş Prokurorluğu buzlu su qabını silah kimi qiymətləndirərək, Tuğba G.-nin "yüngül yaralama" cinayətindən mühakimə olunmasını istəyib. Məhkəmənin hökmü ilə Tuğba G. 9 ay müddətinə azadlıqdan məhrum edilib. Bu qərar buzlu su şüşəsinin silah hesab edildiyi üçün diqqət çəkib.

Telegramda izləyin