Meşədən kişi meyiti tapılıb

Kocaelinin Körfez rayonunda meşəyə getdiyini söyləyən 43 yaşlı şəxs polislər tərəfindən ağacdan asılmış vəziyyətdə tapılıb.

İddiaya görə, yaxınlarına zəng edərək meşəyə getdiyini deyən 43 yaşlı Mücahit Mengütaydan bir müddət xəbər olmayıb. Bundan sonra ailə vəziyyəti polisə xəbər verib.

Sonxeber.az türk mediasına istinadən xəbər verir ki, meşəlik ərazidə aparılan axtarışlar zamanı Mengütayın ağacdan asılmış meyiti tapılıb.

İki uşaq atası, həyat yoldaşı hamilə olan Mücahit Mengütayın meyiti yarılmadan sonra ailəsinə təhvil verilib. İlimtəpə qəbiristanlığında qılınan cənazə namazından sonra Mengütayın cənazəsi İlimtepe Belen qəbiristanlığında torpağa tapşırılıb.

Polis hadisə ilə bağlı araşdırmalara başlayıb.

Telegramda izləyin