Xəyanət edən ərini ölümə tərk etdi

Çinin Liaonin əyalətində baş verən maraqlı və mübahisəli hadisə bütün ölkədə böyük əks-səda doğurub. 38 yaşlı evli kişi illərdir birlikdə yaşadığı sevgilisi ilə birlikdə olarkən beyin qanaması keçirib və xəstəxanaya yerləşdirilib.

Sonxeber.az xarici mediaya istinadən xəbər verir ki, kişinin vəziyyəti ağır olsa da, əməliyyat üçün icazə lazım olub. Əvvəlcə sevgilisi onu xəstəxanaya gətirib, sonra isə yoxa çıxıb. Bu vaxt xəstəxanaya kişinin əsl arvadı gəlib.

Həkimlər qadına ərinin komada olduğunu və əməliyyatın riskli olduğunu bildiriblər. Həyat yoldaşı ərinin on ildir ona xəyanət etdiyini, ailəsinə maddi dəstək olmadığını və ona qarşı heç bir hissinin olmadığını bildirib.

Müalicə xərclərinin yüksək olduğunu bildirən qadın, müalicənin davam etməməsi üçün süni tənəffüs aparatının söndürülməsini istəyib.

Hadisə Çində sosial mediada geniş müzakirələrə səbəb olub. Bəzi istifadəçilər qadını "ürəksiz" adlandırsa da, digərləri kişinin vəziyyətinin "pis davranışının nəticəsi" olduğunu müdafiə edib.

Telegramda izləyin

instagramda izləyin