Instagram açıldı deyə lokma payladı

Karamanda İnstaqramda elektron ticarətlə məşğul olan 20 yaşlı gənc İnstaqram açıldıqdan sonra vətəndaşlara lokma paylayıb.

Sonxeber.az türk mediasına istinadən xəbər verir ki, Türkiyədə avqustun 2-də bloklanan Instagram 8 gün bağlı qalıb və bu vəziyyət e-ticarətlə məşğul olan bir çox insana mənfi təsir edib. Karamanda e-ticarət fəaliyyətləri ilə məşğul olan Mustafa Emirhan Pirgon da planlaşdırdığı reklamlara ara verildiyi üçün: "İnstagram yenidən açılsa, lokma paylayacam" deyə söz verib. 20 yaşlı gənc İnstaqram açıldıqdan sonra axşam saatlarında Aktekke 15 İyul Demokratiya Meydanında 500 nəfərlik lokmanı vətəndaşlara paylayıb. Led ekranda "İnstagram xeyrinə" yazısını görən vətəndaşlar lokmanın İnstaqramın xeyrinə paylandığını öyrəndikdə təəccüblərini gizlədə bilməyiblər.

İnstaqramın açılışı ilə lokma desertləri paylayan Mustafa Emirhan Pirqon: "İnstagram açılandan İnstaqramın xeyrinə lokma paylayıram. İnstaqramda e-ticarətdə fəal iştirak edirəm və mütəmadi olaraq İnstaqramda reklam edirik. Giriş qadağası səbəbindən reklamlarımız dayandırılmışdı. Giriş qadağası aradan qaldırıldıqdan sonra lokma paylamaq istədim. İnfluencerlər də daxil olmaqla bir çox kiçik və böyük biznes sahibləri Instagram vasitəsilə pul qazanır. Əslində bu böyük bazardır. İnstaqramın 8 gün bağlı qalması da ciddi iqtisadi təsir göstərdi. Bu bağlanma bizə də mənfi təsir etdi və Instagram açılsa lokma paylayacağımı dedim. Hazırda 500 nəfərə lokma paylayırıq" , - deyə bildirib.

Telegramda izləyin