Şahzadə suiqəsddən qorxur

Səudiyyə Ərəbistanının vəliəhd şahzadəsi Məhəmməd bin Salman ABŞ Konqresinin üzvlərinə ölkəsinin İsraillə münasibətləri normallaşdırmaq üçün apardığı danışıqlara görə öldürülə biləcəyindən qorxduğunu bildirib.

Səudiyyə şahzadəsi Salman 1981-ci ildə İsraillə müqavilə bağladıqdan sonra öldürülən Misirin keçmiş prezidenti Ənvər Sadatı da misal çəkib.

Sonxeber.az türk mediasına istinadən xəbər verir ki, şahzadə bin Salmanın Səudiyyə Ərəbistanına İsraillə münasibətləri yaxşılaşdırmaq üçün təzyiq göstərən ABŞ-ı ölkəsi üçün daha uyğun anlaşmaya razı salmağa çalışdığı iddia edilib.

İsrailin Qəzzaya hücumları başlamasından 7 oktyabr (2023) əvvəl Səudiyyə Ərəbistan ilə İsrail arasında normallaşma danışıqları davam edirdi. Digər Körfəz ölkələri, Birləşmiş Ərəb Əmirlikləri və Bəhreyn 2020-ci ildə Təl-Əvivlə diplomatik əlaqələrə başladıqdan sonra İsrail və Səudiyyə Ərəbistanının rəsmi əlaqələr qurmaq addımı gündəmdədir. İsrail ABŞ-ın vasitəçiliyi ilə bəzi ərəb ölkələri ilə münasibətlərini normallaşdırıb.

"Politico" yazıb ki, Səudiyyə Ərəbistan ilə İsrail arasında gizli görüşlərdə müzakirə edilən normallaşma sazişi, nüvə proqramı və texnologiyaya sərmayə qoyuluşu qarşılığında Ər-Riyadın Çinlə razılaşmalarını məhdudlaşdırmasını da ehtiva edir.

Ənvər Sadat İsrailin o vaxtkı Fələstin dövləti üzərində hökmranlıq etdiyi ərazi sərhədlərini tanıyıb və digər ərəb ölkələrini də bu fikrə dəvət edir. Bu çağırışdan sonra Ənvər Sədat "Xain" elan edilib və 6 oktyabr 1981-ci ildə Qahirədə Misirin müstəqilliyini qeyd edən mərasimdə öldürülüb.

Telegramda izləyin