Avtomobil 4 yaşlı uşağı vurdu

Sultangazi-də yolu keçmək istəyən 4 yaşlı uşağı avtomobil vurub. Ağır xəsarətlərlə xəstəxanaya yerləşdirilən suriyalı Aisa Çavuş bütün müdaxilələrə baxmayaraq həyatını itirib.

Sonxeber.az türk mediasına istinadən xəbər verir ki, hadisə saat 14:00 radələrində İsmətpaşa məhəlləsində baş verib. Suriyalı 4 yaşlı Aisa Çavuş qardaşı ilə birlikdə marketdən çörək aldıqdan sonra evə getmək üçün yolu keçəndə onu 34 DTV 705 dövlət nömrə nişanlı avtomobil vurub. Sürücü və ətrafdakı vətəndaşlar uşağa yardıma qaçıblar. Məlumat verildikdən sonra hadisə yerinə polis və təcili tibbi yardım gəlib. Hadisədən sonra çaxnaşma anları və həkimlərin uşağa göstərdiyi ilk yardım mobil telefonların kamerasına düşüb. Təcili tibbi yardımın ilk müdaxiləsindən sonra xəstəxanaya aparılan Aisa Çavuş bütün müdaxilələrə baxmayaraq həyatını itirib. Onu vuran avtomobilin sürücüsü saxlanılıb.

Hadisənin şahidi Məhəmməd Hüseyn hadisəni belə izah edib: "Kiçik qız ərzaq mağazasında alış-veriş etdikdən sonra yolu keçmək istəyirdi. Küçədəki avtomobil uşağı vurdu. Sonra da üstündən keçdi. Sürücü daha sonra təcili tibbi yardım çağırdı. Ona baxdım, ilk anda sağ idi"

Telegramda izləyin