İtkin düşən müəllim bağ evində ölü tapıldı

Mersinin Erdemli rayonunda 6 gündür itkin düşən iki uşaq anası müəllim Devrim Emir öldürülmüş halda tapılıb.

Sonxeber.az türkn mediasına istinadən xəbər verir ki, avqustun 19-da Ayaş rayonunda evdən çıxan riyaziyyat müəllimi Devrim Əmirin (47) yaxınları bir daha onunla əlaqə saxlaya bilməyib və vəziyyəti polisə bildiriblər.

Məlumat üzərinə Devrimin tapılması üçün əməliyyat-axtarış tədbirlərinə başlanılıb.

Devrimin evi ilə üzbəüz bağ evindən pis qoxu hiss edən vətəndaşlar qapını çilingərin köməyi ilə açıblar.

Evdə hərəkətsiz bir qadının olduğu məlumatı üzərinə təcili tibbi yardım və polis bölgəyə yönəldilib.

Təcili tibbi yardım əməkdaşları tərəfindən edilən müayinədən sonra evdə olan şəxsin bıçaqlanaraq öldürüldüyü müəyyən edilib.

Polisin araşdırmada ölən şəxsin Devrim Əmir olduğu müəyyənləşib. Onun cəsədi incələnmə üçün tibbi ekspertizaya göndərilib.

Araşdırma zamanı Devrimin sevgilisi M.O-nun axtarışda olduğu öyrənilib.

Məlum olub ki, şübhəli M.O qadın itkin düşdüyü günlərdə bir neçə dəfə Devrimin kredit kartından nağd pul çıxarıb və alış-veriş edib.

Hadisə yerinə gələn ailə vəkillərindən Erol Bediz şübhəlilərin araşdırıldığını və istintaqın davam etdiyini bildirib.

Telegramda izləyin